बॉलिवूड अभिनेते-अभिनेत्री चित्रपटांमध्ये करोडोंचे कपडे घालतात. मग ती देवदासमधील ऐश्वर्या-माधुरीची साडी असो किंवा बाजीराव मस्तानीमधील रणवीर, दिपिकाचे कपडे असोत.
या कपड्यांची किंमत लाखो, करोडोंमध्ये असते. पण चित्रपटाचं शुटिंग संपल्यानंतर या कपड्यांचं काय होतं असा प्रश्न अनेकदा लोकांच्या मनात येत असतो. तर मग जाणून घ्या...
फॅशन स्टायलिश अक्षय त्यागी यांनी एका मुलाखतीत सांगितलं की, फिल्म स्टार्सकडून घातले जाणारे हे कपडे नंतर पॅक करुन ठेवले जातात. नंतर नव्या अंदाजात त्यांना वेगळ्या ठिकाणी वापरले जातात.
'कजरा रे' ऐश्वर्या रायने घातलेल्या ड्रेसमध्ये नंतर बदल करत 'बँड बाजा बारात' चित्रपटातील एका डान्सरसाठी वापरण्यात आला होता.
अक्षय त्यागी सांगतात की, अनेकदा स्टार्सना एखादा ड्रेस जो त्यांना आवडतो किंवा पर्सनॅलिटीशी जुळतो तो ते घरी घेऊन जातता.
'ये जवानी है दिवानी' चित्रपटात दिपिकाने चष्मा आवडल्याने तो घरी नेला होता.
स्टार्सकडून वापरले जाणारे कपड्यांचा अनेकदा लिलावही केला जातो.
उदाहरण द्यायचं झाल्यास, 'जिने के है चार दिन' गाण्यात सलमानने वापरलेला टॉवेल 1 लाख 42 हजारात लिलावत विकण्यात आला होता. हे पैसे नंतर चॅरिटीत देण्यात आले होते.
'रोबोट' चित्रपटात रजनीकांत आणि ऐश्वर्याने घातलेले कपडेही महाग होते. या कपड्यांचा लिलाव करत विकण्यात आलं होतं.