'कौन बनेगा करोडपती'चं 15 वं पर्व सुरु झालं असून हे पर्वही अपेक्षेप्रमाणे प्रेक्षकांच्या पसंतीस उतरत असल्याचं दिसत आहे.
पंजाबमधील जसकरन सिंग हा 'कौन बनेगा करोडपती'च्या 15 व्या सीझनचा पहिला करोडपती ठरला आहे.
15 व्या पर्वातील 17 व्या एपिसोडमध्ये 21 वर्षीय जसकरन सिंग सहभागी झाला होता. तो पंजाबमधील तरन तारन जिल्ह्यात राहतो.
लोकसेवा आयोगाच्या परीक्षेची तयारी करणाऱ्या जसकरनने आपली आयपीएस होण्याची इच्छा असल्याचं सांगितलं.
एक कोटीसाठी जसकरनला 'भारताच्या राजधानीचं शहर कोलकात्यावरुन दिल्लीला स्थलांतरित करण्यात आलं तेव्हा भारताचे व्हॉइसरॉय कोण होते?' हा प्रश्न विचारण्यात आला.
या प्रश्नासाठी जसकरनला 4 पर्याय देण्यात आले होते. ज्या मध्ये लॉर्ड कर्जन, लॉर हार्डिंग, लॉर्ड मिंटो आणि लॉर्ड रीडिंग यांचा समावेश होता. या प्रश्नाचं बरोबर उत्तर लॉर्ड हार्डिंग असं होतं.
यानंतर जसकरनला 7 कोटींचा प्रश्न विचारण्यात आला. त्याला या प्रश्नाचं उत्तर ठाऊक नव्हते. त्यामुळे त्या धोका पत्कारण्याऐवजी खेळ सोडण्याचा निर्णय घेतला.
7 कोटींसाठी जसकरनला 'पद्म पुराणानुसार कोणत्या राजाला एका हरणाने दिलेल्या शापामुळे 100 वर्षांसाठी चित्ता म्हणून रहावं लागलं?' असा प्रश्न विचारण्यात आला होता.
या प्रश्नाचं उत्तर जसकरनला आलं नाही आणि त्याने खेळ सोडला. या 7 कोटींच्या प्रश्नाचं उत्तर राजा प्रभंजन असं आहे.