രാത്രിയിൽ ഈ കാര്യങ്ങൾ ശീലമാക്കൂ; ശരീരഭാരം കുറയ്ക്കാം...
അമിത വണ്ണം ഇന്ന് പലരെയും അലട്ടുന്ന പ്രശ്നമാണ്. ഇവ മറ്റ് പല ആരോഗ്യ പ്രശ്നങ്ങൾക്കും കാരണമാകുന്നു. എന്നാൽ രാത്രിയിലെ ശീലങ്ങളിൽ ചില മാറ്റങ്ങൾ വരുത്തിയാൽ ശരീരഭാരം കൂടാതെ നിയന്ത്രിക്കാനാകും.
മോശം ഉറക്കം ഹോർമോൺ അസന്തുലിതാവസ്ഥയിലേക്ക് നയിച്ചേക്കാം. ഇത് അമിത വിശപ്പിനും അനാരോഗ്യകരമായ ഭക്ഷണങ്ങൾ അമിതമായി കഴിക്കുന്നതിനും ഇടയാക്കും. ഇത് ശരീരഭാരം കൂടാൻ കാരണമാകുന്നു. രാത്രി 7-9 മണിക്കൂർ നന്നായി ഉറങ്ങുന്നത് ഉപാപചയ പ്രവർത്തനങ്ങളെ മെച്ചപ്പെടുത്താൻ സഹായിക്കുന്നു.
രാത്രി വൈകി അത്താഴം കഴിക്കുന്നത് നല്ല ശീലമല്ല. ഇവ ഉറക്കത്തെ തടസ്സപ്പെടുത്തുകയും ശരീരഭാരം വർദ്ധിപ്പിക്കുകയും ചെയ്യും. മാത്രമല്ല കൊളസ്ട്രോൾ കൂടാനും ഹൃദ്രോഗം, പ്രമേഹം ഇവയ്ക്കുള്ള സാധ്യത കൂട്ടാനും ഇത് ഇടയാക്കും.
ജലാംശം നിലനിർത്തുക പ്രധാനമാണ്. നന്നായിട്ടുള്ള മെറ്റബോളിസം ശരീരഭാരം കുറയ്ക്കാൻ സഹായിക്കുന്നു. അത് കൊണ്ട് തന്നെ ദിവസവും കുറഞ്ഞത് എട്ട് ഗ്ലാസ് വെള്ളമെങ്കിലും കുടിക്കുക.
രാത്രി കിടക്കുന്നതിന് മുമ്പ് അൽപ നേരം ധ്യാനമോ മെഡിറ്റേഷനോ ചെയ്യുന്നത് ശരീരഭാരം കുറയ്ക്കാനും സ്ട്രെസ് കുറയ്ക്കാനും സഹായിക്കും.
രാത്രി കിടക്കുന്നതിന് ഒരു മണിക്കൂർ മുൻപെങ്കിലും ഫോണുകൾ, ടാബ്‌ലെറ്റുക, ലാപ്പ് ടോപ്പുകൾ എന്നിവ ഉപയോഗിക്കുന്നത് നിർത്തുക. കാരണം ഇവയിൽ നിന്ന് പുറപ്പെടുവിക്കുന്ന നീല വെളിച്ചം മെലറ്റോണിൻ ഉൽപാദനത്തെ തടസ്സപ്പെടുത്തുകയും ഉറങ്ങുന്നത് ബുദ്ധിമുട്ടാക്കുകയും ചെയ്യും.
ഈ വാർത്ത പൊതുവായ വിവരങ്ങളെ അടിസ്ഥാനമാക്കിയുള്ളതാണ്. ഒരു മെഡിക്കൽ വിദഗ്ധന്റെ ഉപദേശത്തിന് പകരമല്ല.