പച്ചമുളക് നിസാരക്കാരനല്ല, ഗുണങ്ങൾ ഏറെ!
മലയാളിയുടെ ഭക്ഷണ ശീലങ്ങളിൽ ഒഴിച്ചുകൂടാനാകാത്ത ഒന്നാണ് പച്ചമുളക്. ഒട്ടനേകം ആരോഗ്യ ഗുണങ്ങളുണ്ട് പച്ചമുളകിനെന്ന കാര്യം പലർക്കും അറിയില്ല. ശരിയായ അളവിൽ പച്ചമുളക് കഴിക്കുന്നത് വളരെ നല്ലതാണ്.
വൈറ്റമിനുകളുടെയും കോപ്പർ, അയൺ, പൊട്ടാസ്യം തുടങ്ങിയ പോഷകങ്ങളുടെയും മികച്ച ഒരു കലവറയാണ് പച്ചമുളക്. അത്തരത്തിൽ ധാരാളം ആരോഗ്യ ഗുണങ്ങൾ ഇതിൽ അടങ്ങിയിട്ടുണ്ട്.
പച്ചമുളകെന്ന് പറയുമ്പോൾ മനസിൽ ആദ്യമെത്തുക എരിവ് തന്നെയായിരിക്കും. സ്ഥിരമായി പച്ചമുളക് കഴിച്ചാൽ അത് പല അസുഖങ്ങളിൽ നിന്നും നമ്മെ സംരക്ഷിക്കുമെന്നാണ് പറയുന്നത്
ഹൃദയത്തെയും രക്തധമനികളെയും സംമ്പന്ധിച്ച തകരാറുകൾക്കെല്ലാം പച്ചമുളക് വളരെയധികം ഗുണപ്രദമാണ്. ഇതിൽ ധാരാളം ആന്റിഓക്‌സിഡന്റുകൾ അടങ്ങിയിട്ടുണ്ട്
പ്രോസ്‌റ്റേറ്റ് പ്രശ്‌നങ്ങളെ അകറ്റി നിർത്താൻ പച്ചമുളകിന് കഴിയും. ഇതിൽ വിറ്റാമിൻ സി ധാരാളം അടങ്ങിയിട്ടുണ്ട്. അതുകൊണ്ട് പച്ചമുളക് കഴിക്കുന്നതിലൂടെ നിങ്ങളുടെ ചർമ്മം മികച്ച ആരോഗ്യമുള്ളതും തിളക്കമുള്ളതുമായി മാറും
പച്ചമുളക് രക്തത്തിലെ കൊളസ്ട്രോൾ, ട്രൈഗ്ലിസറൈഡ് അളവ്, പ്ലേറ്റ്ലറ്റ് അഗ്രഗേഷൻ എന്നിവ കുറയ്ക്കുന്നതിലൂടെയും ഫൈബ്രിനോലൈറ്റിക് പ്രവർത്തനം വർദ്ധിപ്പിക്കുന്നതിലൂടെയും രക്തപ്രവാഹത്തിന് സാധ്യത കുറയ്ക്കും
മാനസിക സമ്മർദ്ദവും വേദനയും ഒക്കെ കുറയ്ക്കാൻ വേണ്ടിയുള്ള മൂലകമായ എൻഡോർഫിൻസ് ഉത്പാദനത്തിന് ഇത് സഹായിക്കും. പച്ചമുളക് കഴിച്ചാൽ ശരീരത്തിൽ സ്വാഭാവികമായി എൻഡോർഫിൻസ് ഉൽപ്പാദിപ്പിക്കപ്പെടുകയും അതുവഴി മാനസിക സമ്മർദ്ദം കുറയ്ക്കാനാവുകയും ചെയ്യും.
കൂടാതെ പച്ചമുളകിലെ ക്യാപ്‌സൈസിൻ മൂക്കിലെയും സൈനസുകളിലെയും മ്യൂക്കസ് മെംബറേൻസിനെ ഉത്തേജിപ്പിക്കുന്ന ഒരു പ്രധാന ഘടകമാണ്. ഇതിന് പുറമെ ക്യാപ്‌സൈസിൻ ചർമ്മത്തിലൂടെയുള്ള രക്തയോട്ടം ഉത്തേജിപ്പിക്കുകയും മ്യൂക്കസ് സ്രവണം നേർത്തതാക്കുകയും ചെയ്യുന്നു
വിറ്റാമിൻ സി, ബീറ്റാ കരോട്ടിൻ എന്നിവ അടങ്ങിയ പച്ചമുളക് ആരോഗ്യമുള്ള കണ്ണുകൾക്കും ചർമ്മത്തിനും രോഗപ്രതിരോധ സംവിധാനത്തിനും അടിപൊളിയാണ്.
സ്വാഭാവികമായ അയൺ ധാരാളമായി അടങ്ങിയിട്ടുള്ള പച്ചക്കറിയാണ് പച്ചമുളക്. ഇതിൽ വൈറ്റമിൻ കെയും അടങ്ങിയിട്ടുണ്ട്. അതിനാൽ തന്നെ അസ്ഥിക്ഷയം എന്ന രോഗാവസ്ഥയ്ക്ക് പച്ചമുളക് കഴിക്കുന്നത് ഏറെ നല്ലതാണ്.