ನಾನೇ ಸಿಎಂ ಎಂದು ಬೀಗುತ್ತಿದ್ದ ಡಿಕೆಶಿಗೆ ಸಿದ್ದರಾಮಯ್ಯ ಕೂಲಿ ಸಿಗದಂತೆ ಮಾಡಿದ್ದು ಸರಿಯೇ?: ಬಿಜೆಪಿ

ಬೆಂಗಳೂರು: ಪಂಚೆ ಹಾಕ್ಕೊಂಡು ಖಾಕಿ ಚಡ್ಡಿ ಹಾಕಿದರೆ ಸಮಾಜವಾದಿ ಆಗಲ್ಲವೆಂದು ಸಿದ್ದರಾಮಯ್ಯ ವಿರುದ್ಧ ಬಿಕೆ ಹರಿಪ್ರಸಾದ್ ವಾಗ್ದಾಳಿ ನಡೆಸಿದ್ದರು. ಇದೀಗ ಇದೇ ವಿಚಾರವಾಗಿ ಟ್ವೀಟ್ ಮಾಡಿರುವ ಬಿಜೆಪಿ, ‘ಕೇವಲ ಅಧಿಕಾರಕ್ಕಾಗಿ ಬ್ಲ್ಯಾಕ್‍ಮೇಲ್ ಮಾಡಿಕೊಂಡು ಕಾಂಗ್ರೆಸ್‍ಗೆ ವಲಸೆ ಬಂದ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರ ವಿರುದ್ಧ ಬಿ.ಕೆ.ಹರಿಪ್ರಸಾದ್ ಮಾತನಾಡಿರುವುದರಲ್ಲಿ ತಪ್ಪೇನಿದೆ..?’ ಎಂದು ಪ್ರಶ್ನಿಸಿದೆ.

‘ಅಹಿಂದ ಹೆಸರಲ್ಲಿ ರಾಜಕಾರಣ ಮಾಡಿದ ಸಿದ್ದರಾಮಯ್ಯ ಅವರು ಹಿಂದುಳಿದ ಸಮುದಾಯಗಳನ್ನು ನೇಪಥ್ಯಕ್ಕೆ ಸರಿಸಿದ್ದು ಸರಿಯೇ..?, ಸಮಾಜವಾದಿ ಎಂದು ಬಿಂಬಿಸಿಕೊಂಡ ಸಾಹೇಬರು ಕೋಟಿ ಬೆಲೆಯ ಹ್ಯೂಬ್ಲೆಟ್ ವಾಚ್ ಕಟ್ಟಿಕೊಂಡಿದ್ದು ಸರಿಯೇ..?, ಅಧಿಕಾರದ ದುರಾಸೆಗೆ ಬಿದ್ದು ಕೊನೆ ಚುನಾವಣೆ ಎನ್ನುತ್ತಲೇ ಮೂಲ ಕಾಂಗ್ರೆಸ್ಸಿಗರನ್ನು ಮೂಲೆಗುಂಪು ಮಾಡಿದ್ದು ಸರಿಯೇ..?, ಸುದೀರ್ಘ ಕಾಲ ಪಕ್ಷದ ಅಧ್ಯಕ್ಷರಾಗಿದ್ದುಕೊಂಡು ಸಂಘಟನೆ ಮಾಡಿ ಪಕ್ಷವನ್ನು ಅಧಿಕಾರಕ್ಕೆ ತಂದ ದಲಿತ ನಾಯಕ ಜಿ.ಪರಮೇಶ್ವರ್ ಅವರಿಗೆ ಖೆಡ್ಡ ತೋಡಿದ್ದು ಸರಿಯೇ..?, ಕಾಲಿಗೆ ಚಕ್ರ ಕಟ್ಟಿಕೊಂಡು ನಾನೇ ಮುಖ್ಯಮಂತ್ರಿ ಎಂದು ಬೀಗುತ್ತಿದ್ದ ಡಿ.ಕೆ.ಶಿವಕುಮಾರ್ ಅವರಿಗೆ ಕೂಲಿ ಸಿಗದಂತೆ ಮಾಡಿದ್ದು ಸರಿಯೇ..? ಮತ್ತು ಪ್ರಮಾಣ ವಚನ ಸ್ವೀಕರಿಸಿ ನಾಪತ್ತೆ ಆಗಿದ್ದ ಸಚಿವರು ದಿಢೀರ್‌ ಪ್ರತ್ಯಕ್ಷವಾಗಿ ಹರಿಪ್ರಸಾದ್ ವಿರುದ್ಧವೇ ನಿಂತಿರುವುದು ಸರಿಯೇ..?’ ಎಂದು ಬಿಜೆಪಿ ಪ್ರಶ್ನಿಸಿದೆ.

ಕೇವಲ ಅಧಿಕಾರಕ್ಕಾಗಿ ಬ್ಲ್ಯಾಕ್ ಮೇಲ್ ಮಾಡಿಕೊಂಡು ಕಾಂಗ್ರೆಸ್‌ಗೆ ವಲಸೆ ಬಂದ ಮುಖ್ಯಮಂತ್ರಿ @siddaramaiah ಅವರ ವಿರುದ್ಧ @HariprasadBK2 ಮಾತನಾಡಿರುವುದರಲ್ಲಿ ತಪ್ಪೇನಿದೆ..?

🗣 ಅಹಿಂದ ಹೆಸರಲ್ಲಿ ರಾಜಕಾರಣ ಮಾಡಿದ ಸಿದ್ದರಾಮಯ್ಯ ಅವರು ಹಿಂದುಳಿದ ಸಮುದಾಯಗಳನ್ನು ನೇಪಥ್ಯಕ್ಕೆ ಸರಿಸಿದ್ದು ಸರಿಯೇ..?

🗣 ಸಮಾಜವಾದಿ ಎಂದು ಬಿಂಬಿಸಿಕೊಂಡ…

— BJP Karnataka (@BJP4Karnataka) September 12, 2023

ಇದನ್ನೂ ಓದಿ: ಚೌತಿ ಬಳಿಕ ʻಕೈʼ ಹಿಡಿಯಲಿರುವ ಮಾಜಿ ಜೆಡಿಎಸ್ ಶಾಸಕ

ಬಿಕೆ ಹರಿಪ್ರಸಾದ್ ಬೆನ್ನಿಗೆ ಡಿ.ಕೆ.ಶಿವಕುಮಾರ್ ನಿಂತಿದ್ದಾರೆ. ಹರಿಪ್ರಸಾದ್ ಸಿದ್ದರಾಮಯ್ಯ ಅವರನ್ನು ಕುರ್ಚಿಯಿಂದ ಇಳಿಸಿಯೇ ಸಿದ್ಧ ಎಂದು ಪಣತೊಟ್ಟಿದ್ದಾರೆ‌. ರಾಜ್ಯದಲ್ಲಿ ಬರಗಾಲ, ಕ್ಷಾಮ ಆವರಿಸಿಕೊಂಡಿದೆ. ಆದರೆ ಕಾಂಗ್ರೆಸ್ ಸರ್ಕಾರಕ್ಕೆ ಬಣ ಬೇಗುದಿ ಶಮನವಾದರೆ ಸಾಕೆಂದು ಕೂತಿರುವುದು ಕನ್ನಡಿಗರ ದುರಂತ..!’ ಎಂದು ಬಿಜೆಪಿ ಕುಟುಕಿದೆ.

ಹಾವು ಸಾಯಬಾರದು ಕೋಲು ಮುರಿಯಬಾರದು ಅನ್ನುವಂತಾಗಿದೆ @INCKarnataka ನಾಯಕರ ಬೀದಿ ಜಗಳ..!

ಸಿದ್ದರಾಮಯ್ಯ ಅವರ ಅಹಿಂದ ಮುಖವಾಡ ಕಳಚಿ ಅವರ ಜಾತಿ ರಾಜಕಾರಣ ಬಯಲು ಮಾಡಿದ @HariprasadBK2 ಅವರು ವಿರುದ್ಧ @siddaramaiah ಅವರು ತಮ್ಮ ಆಪ್ತರನ್ನು ಛೂ ಬಿಟ್ಟಿದ್ದಾರೆ.

ಯಾರು, ಯಾರಿಗೆ ಬೇಕಾದರೂ ದೂರು ನೀಡಲಿ ಎನ್ನುವ ಹರಿಪ್ರಸಾದ್ ಅವರ… pic.twitter.com/S86inpLU6e

— BJP Karnataka (@BJP4Karnataka) September 12, 2023

‘ಹಾವು ಸಾಯಬಾರದು ಕೋಲು ಮುರಿಯಬಾರದು ಅನ್ನುವಂತಾಗಿದೆ ಕಾಂಗ್ರೆಸ್ ನಾಯಕರ ಬೀದಿ ಜಗಳ..! ಸಿದ್ದರಾಮಯ್ಯರ ಅಹಿಂದ ಮುಖವಾಡ ಕಳಚಿ ಅವರ ಜಾತಿ ರಾಜಕಾರಣ ಬಯಲು ಮಾಡಿದ ಹರಿಪ್ರಸಾದ್ ಅವರ ವಿರುದ್ಧ ಸಿದ್ದರಾಮಯ್ಯರು ತಮ್ಮ ಆಪ್ತರನ್ನು ಛೂ ಬಿಟ್ಟಿದ್ದಾರೆ. ಯಾರು, ಯಾರಿಗೆ ಬೇಕಾದರೂ ದೂರು ನೀಡಲಿ ಎನ್ನುವ ಹರಿಪ್ರಸಾದ್ ಅವರ ಬೆನ್ನಿಗೆ ಆ ದಿನಗಳ ಆಪ್ತರಾಗಿರುವ ಡಿಸಿಎಂ ಡಿಕೆಶಿ ಅವರೇ ನಿಂತಂತಿದೆ. ಕಾಂಗ್ರೆಸ್ಸಿನ ಬಣ ರಾಜಕೀಯದ ಜಗಳದಲ್ಲಿ ಬರಗಾಲ, ರೈತರ ಆತ್ಮಹತ್ಯೆ, ಕಲುಷಿತ ನೀರಿನ ಸಮಸ್ಯೆಗಳು ಯಾವುದು ಕಾಣುತ್ತಿಲ್ಲ. ಕರ್ನಾಟಕದ ಹಿತಕ್ಕಿಂತಲೂ ‘ಕೈ’ ನಾಯಕರಿಗೆ ಕುರ್ಚಿ ಗಟ್ಟಿ ಮಾಡಿಕೊಳ್ಳುವುದೊಂದೆ ಗುರಿಯಾಗಿದೆ’ ಎಂದು ಬಿಜೆಪಿ ಟೀಕಿಸಿದೆ.

ಇದನ್ನೂ ಓದಿ: ಬೆಂಗಳೂರಿನಲ್ಲಿ ತಮಿಳುನಾಡು ಬಸ್ಸಿಗೆ ಕಲ್ಲು ತೂರಾಟ

 ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ,  ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು 
Twitter Link - https://bit.ly/3n6d2R8
Facebook Link - https://bit.ly/3Hhqmcj 
Youtube Link - https://www.youtube.com/watch?v=uzXzteRDY-k
Instagram Link -  https://bit.ly/3LyfY2l 
Sharechat Link - https://bit.ly/3LCjokI 
Threads Link-  https://www.threads.net/@zeekannadanews ಲಿಂಕ್ ಗಳ ಮೇಲೆ ಕ್ಲಿಕ್.