ବର୍ତ୍ତମାନ ଆଦାନୀ ନୁହେଁ, ଏହି ବ୍ୟକ୍ତି ହେଉଛନ୍ତି ଏସିଆର ସବୁଠାରୁ ବଡ଼ ଧନୀ, ଜାଣନ୍ତୁ ଦୁନିଆରେ ସବୁଠାରୁ ଅଧିକ ଧନ କାହା ପାଖରେ ଅଛି?

Richest Ranking in Asia: ଗୌତମ ଆଦାନୀଙ୍କ (Gautam Adan) ଠାରୁ ଧନ ଲକ୍ଷ୍ମୀ ଧୀରେ ଧୀରେ ଦୂରେଇ ଯାଉଥିବା ଜଣାପଡୁଛି । ଗତ ଏକ ସପ୍ତାହ ମଧ୍ୟରେ ଆଦାନୀଙ୍କ ସମ୍ପତ୍ତି ହ୍ରାସ ପାଇ ସେ ବିଶ୍ୱର ତୃତୀୟ ଧନୀ ବ୍ୟକ୍ତିରୁ ୧୫ ତମ ସ୍ଥାନକୁ ଖସି ଆସିଛନ୍ତି । ଆସନ୍ତାକାଲିର ଅର୍ଥାତ ବୁଧବାର ଦିନ ତାଙ୍କ ଷ୍ଟକ ହ୍ରାସ ମଧ୍ୟ ତାଙ୍କଠାରୁ ଏସିଆର ସବୁଠାରୁ ବଡ଼ ଧନୀ ବ୍ୟକ୍ତିର ଆଖ୍ୟାକୁ ଛଡ଼ାଇ ନେଇଛି । ଏହି ସମୟରେ ଭାରତର ସବୁଠାରୁ ଧନୀ ବ୍ୟକ୍ତି ମୁକେଶ ଅମ୍ବାନୀ (Mukesh Amban) ଏସିଆର ମଧ୍ୟ ସବୁଠାରୁ ବଡ଼ ଧନୀ (Richest Person in Asia) ବ୍ୟକ୍ତି ହୋଇପାରିଛନ୍ତି ।

ପୋର୍ଟରୁ ପାୱାର ପର୍ଯ୍ୟନ୍ତ ବ୍ୟାପିଥିବା ଏକ ବ୍ୟବସାୟିକ ସଂଗଠନର ମୁଖ୍ୟ ଗୌତମ ଆଦାନୀ ବିଶ୍ୱର ଶ୍ରେଷ୍ଠ ବିଲିୟନେୟାର ତାଲିକାରୁ ତଳକୁ ଖସି ଯାଇଛନ୍ତି । ସେ ଆଉ ବର୍ତ୍ତମାନ ଏସିଆର ସବୁଠାରୁ ବଡ଼ ଧନୀ ବ୍ୟକ୍ତି ନୁହଁନ୍ତି । ତାଙ୍କର ପ୍ରତିଦ୍ୱନ୍ଦ୍ୱୀ ବ୍ୟବସାୟୀ ମୁକେଶ ଅମ୍ବାନୀ ପୁଣି ଥରେ ଭାରତ ଓ ଏସିଆର ସବୁଠାରୁ ବଡ଼ ଧନୀ ବ୍ୟକ୍ତି ହୋଇଛନ୍ତି । ଗତ ବର୍ଷ ଏପ୍ରିଲରେ ଅମ୍ବାନୀ ଆଦାନୀଙ୍କଠାରୁ ପଛରେ ରହିଥିଲେ । ଏକ ସପ୍ତାହ ପୂର୍ବରୁ ଫୋର୍ବସ୍ ବିଲିୟନେୟାର ତାଲିକାରେ ବିଶ୍ୱର ତୃତୀୟ ଧନୀ ବ୍ୟକ୍ତି ଥିବା ଆଦାନୀ ବୁଧବାର ଦିନ ୧୫ ତମ ସ୍ଥାନକୁ ଖସି ଆସିଛନ୍ତି । ଆମେରିକାର ସର୍ଟ ସେଲର ହିନ୍ଦେନବର୍ଗଙ୍କ ରିପୋର୍ଟ ପରେ ଆଦାନୀ ଗ୍ରୁପ୍ କମ୍ପାନୀଗୁଡିକର ସେୟାର କ୍ରମାଗତ ଭାବେ ହ୍ରାସ ପାଇବାରେ ଲାଗିଛି ।

ଫୋର୍ବସ୍ ୱେବସାଇଟ୍ ଅନୁଯାୟୀ, ଅମ୍ବାନୀ ୮୩.୭ ବିଲିୟନ ଆମେରିକୀୟ ଡଲାର ସହ ତାଲିକାରେ ନବମ ସ୍ଥାନରେ ରହିଛନ୍ତି । ଗତ ବର୍ଷ ଆଦାନୀଙ୍କ ସମ୍ପତ୍ତି ୪୪ ବିଲିୟନ ଡ଼ଲାରରେ ବୃଦ୍ଧି ପାଇଥିଲା ଓ ଗତ ଏକ ସପ୍ତାହରେ ତାଙ୍କର ସମ୍ପତ୍ତି ଦ୍ରୁତ ଗତିରେ ହ୍ରାସ ପାଇଛି । ସେ ବର୍ତ୍ତମାନ ୭୫.୧ ବିଲିୟନ ଡ଼ଲାରର ସର୍ବଭାରତୀୟ ବିଲିୟନେୟାର ତାଲିକାରେ ୧୫ ତମ ସ୍ଥାନରେ ଅଛନ୍ତି । ଆଦାନୀ ଗ୍ରୁପ କମ୍ପାନୀଗୁଡିକ ଗତ ଏକ ସପ୍ତାହରେ ୯୦ ବିଲିୟନ ଆମେରିକୀୟ ଡଲାର ହରାଇଛନ୍ତି । ଆଦାନୀ ଗ୍ରୁପ ହିନ୍ଦେନବର୍ଗଙ୍କ ଅଭିଯୋଗକୁ ଭିତ୍ତିହୀନ ବୋଲି କହିଛନ୍ତି । ଆପଣଙ୍କୁ କହିରଖୁଛୁ ଯେ ବର୍ନାର୍ଡ ଆର୍ନାଲ୍ଟ ବର୍ତ୍ତମାନ ସୁଦ୍ଧା ଦୁନିଆର ସବୁଠାରୁ ଧନୀ ବ୍ୟକ୍ତିଙ୍କ ମଧ୍ୟରେ ପ୍ରଥମ ସ୍ଥାନରେ ରହିଛନ୍ତି ।

ଷ୍ଟକ୍ ମାର୍କେଟରେ ଆଦାନୀ ଗ୍ରୁପ୍ ର ଆଦାନୀ ଏଣ୍ଟରପ୍ରାଇଜେସ୍, ଆଦାନୀ ଗ୍ରୀନ୍ ଏନର୍ଜି, ଆଦାନୀ ବନ୍ଦର ଓ SEZ, ଆଦାନୀ ଟ୍ରାନ୍ସମିସନ୍, ଆଦାନୀ ଟୋଟାଲ୍ ଗ୍ୟାସ୍, ଆଦାନୀ ପାୱାର, ଆଦାନୀ ୱିଲମାର ଅନ୍ତର୍ଭୁକ୍ତ ରହିଛି । ଆଜିର ବାଣିଜ୍ୟ ବିଷୟରେ କହିବାକୁ ଗଲେ, FPO ପ୍ରତ୍ୟାହାର ପରେ -୪.୩୯% ହ୍ରାସ ସହିତ ଆଦାନୀ ଏଣ୍ଟରପ୍ରାଇଜେସ୍ ସେୟାର ୨୦୩୫.୨୦ ଟଙ୍କାରେ କାରବାର କରୁଛି ।

ଏହା ବି ପଢ଼ନ୍ତୁ: Budget 2023: ବର୍ତ୍ତମାନ ଘରେ ବସି ମହିଳାମାନେ ପାଇପାରିବେ ୧୫,୦୦୦ ଟଙ୍କା, ଏହି ସ୍କିମରେ ନିବେଶ କରିବାକୁ ହେବ ଟଙ୍କା