Da Hike: କର୍ମଚାରୀଙ୍କ ପାଇଁ ଖୁସି ଖବର: ୩ ପ୍ରତିଶତ ବଢ଼ିଲା ମହଙ୍ଗା ଭତ୍ତା, ଆକାଉଣ୍ଟକୁ ଆସିବ ଏତେ ଟଙ୍କା

Da Hike: କେନ୍ଦ୍ର କର୍ମଚାରୀ (Central Government Employees) ଙ୍କ ପାଇଁ ଏକ ବଡ଼ ଖବର ଅଛି । ସେମାନଙ୍କର ମହଙ୍ଗା ଭତ୍ତା (Dearness Allowance) ବୃଦ୍ଧି କରାଯାଇଛି । ଏହି ନିର୍ଦ୍ଦେଶ ପୂର୍ବରୁ ୧୦ ମାର୍ଚ୍ଚ ୨୦୨୩ରେ ଜାରି କରାଯାଇଥିଲା । ଯେଉଁଥିରେ CIL ବା SCCL ପାଇଁ କୋଇଲା କର୍ମଚାରୀଙ୍କ ଦଶମ ବେତନ ଚୁକ୍ତି ଅଧୀନରେ ଅଣ-କାର୍ଯ୍ୟନିର୍ବାହୀ କର୍ମଚାରୀଙ୍କ ମହଙ୍ଗା ଭତ୍ତା  ମାର୍ଚ୍ଚ ୧, ୨୦୨୩ରୁ ମେ ୩୧, ୨୦୨୩କୁ ବୃଦ୍ଧି କରାଯାଇଛି । ଏଥିପାଇଁ ଏକ ନିର୍ଦ୍ଦେଶ ଜାରି କରାଯାଇଛି । ଜାରି କରାଯାଇଥିବା ଆଦେଶରେ କର୍ମଚାରୀଙ୍କ ମହଙ୍ଗା ଭତ୍ତା ପ୍ରାୟ ୩ ପ୍ରତିଶତ ବୃଦ୍ଧି (Da Hike) କରାଯାଇଛି । ଏହା ପରେ ମହଙ୍ଗା ଭତ୍ତା ୪୨.୩କୁ ବୃଦ୍ଧି ପାଇଛି । କୋଲ୍ ଇଣ୍ଡିଆ (Coal India) ର କାର୍ଯ୍ୟନିର୍ବାହୀ ନିର୍ଦ୍ଦେଶକ ଅଜୟ କୁମାର ଚୌଧୁରୀ ଏହି ସୂଚନା ପ୍ରଦାନ କରିଛନ୍ତି ।

ଏହା ଅଧୀନରେ, AICPI ଆକଳନ ପ୍ରକାଶ ପାଇବା ପରେ ମାର୍ଚ୍ଚ ୧, ୨୦୨୩ରୁ ମେ ୩୧, ୨୦୨୩ ପର୍ଯ୍ୟନ୍ତ ମହଙ୍ଗା ଭତ୍ତା ବୃଦ୍ଧି ସ୍ଥିର ହୋଇଛି । ଅକ୍ଟୋବର ୨୦୨୨ ପାଇଁ AICPI ଶେଷ ଥର ପାଇଁ ୮୭୧୦.୩୬ ରେ ସ୍ଥିର ହୋଇଥିଲା । ନଭେମ୍ବର ୨୦୨୨ ପାଇଁ AICPI ଡାଟା ୮୭୧୦.୩୬ରେ ରଖାଯାଇଥିଲା । ଡିସେମ୍ବର ୨୦୨୨ ପାଇଁ ଏହି ସଂଖ୍ୟା ୮୬୯୭.୨୨ରେ ରେକର୍ଡ କରାଯାଇଥିଲା । ଏଭଳି ପରିସ୍ଥିତିରେ, AICPI ର ଆକଳନରେ ୨୫୮୮.୯୮ ପଏଣ୍ଟ ବୃଦ୍ଧି ପଞ୍ଜିକୃତ ହୋଇଛି । ଯେଉଁଥିପାଇଁ ଅଣ-କାର୍ଯ୍ୟନିର୍ବାହୀ କର୍ମଚାରୀଙ୍କ ମହଙ୍ଗା ଭତ୍ତା ୨.୧ ପ୍ରତିଶତ ବୃଦ୍ଧି ପାଇଛି । ଏଥି ସହିତ ସେମାନଙ୍କର ମହଙ୍ଗା ଭତ୍ତା ୪୨.୩ କୁ ବୃଦ୍ଧି ପାଇଛି ।

ଏହାପୂର୍ବରୁ ଡିସେମ୍ବର ୧, ୨୦୨୨ରୁ ଫେବୃଆରୀ ୨୮, ୨୦୨୩ ପର୍ଯ୍ୟନ୍ତ ସେମାନଙ୍କ ମହଙ୍ଗା ଭତ୍ତା ରେକର୍ଡ ୪୦.୨ ପ୍ରତିଶତ ବୃଦ୍ଧି କରାଯାଇଥିଲା । ମାର୍ଚ୍ଚ ୧, ୨୦୨୩ରୁ କୋଇଲା କର୍ମଚାରୀଙ୍କ ମହଙ୍ଗା ଭତ୍ତା ଲାଗୁ ହେବ । ଏହା ମେ ୩୧, ୨୦୨୩ ପର୍ଯ୍ୟନ୍ତ ପ୍ରଯୁଜ୍ୟ ହେବ । କର୍ମଚାରୀଙ୍କ ମହଙ୍ଗା ଭତ୍ତା ପ୍ରତି ୩ ମାସରେ ବୃଦ୍ଧି କରାଯାଏ । ଏଥିପାଇଁ ଏକ ନିର୍ଦ୍ଦେଶ ଜାରି କରାଯାଇଛି ।

ଅଧିକ ପଢ଼ନ୍ତୁ-ଯେଉଁ କାମ ବିରାଟ-ରୋହିତ-ସ୍ମିଥଙ୍କ ପରି ଦିଗ୍ଗଜମାନେ କରିପାରି ନାହାଁନ୍ତି, ସେହି କାମ କରିଦେଖାଇଛନ୍ତି କେଏସ୍ ଭରତ

​ଅଧିକ ପଢ଼ନ୍ତୁ:-ଆସିଲା ବଡ଼ ଖୁସି ଖବର, ୪୪ ପ୍ରତିଶତ ବଢ଼ିବ ଦରମା! ଖୁସିରେ ନାଚି ଉଠିବେ କେନ୍ଦ୍ର କର୍ମଚାରୀ

ଅଧିକ ପଢ଼ନ୍ତୁ:-୨ ଦିନ ପରେ ଶନି ପରିବର୍ତ୍ତନ, ଆଗାମୀ ୭ ମାସ ପର୍ଯ୍ୟନ୍ତ ଏହି ୪ଟି ରାଶିର ଲୋକଙ୍କ ପାଇଁ ଅତ୍ୟନ୍ତ ଶୁଭ, ହେବ ଧନ ବର୍ଷା!

ସେପଟେ ସୂଚନା ମୁତାବକ, ଖୁବ୍ ଶୀଘ୍ର କେନ୍ଦ୍ର କର୍ମଚାରୀଙ୍କୁ ଖୁସି ଖବର ମିଳିବାକୁ ଯାଉଛି । ମାର୍ଚ୍ଚ ୧୫ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱରେ ଏକ କ୍ୟାବିନେଟ (Modi Cabinet) ବୈଠକ ହେବାର ଅଛି । ଏହି ବୈଠକ ପରେ କେନ୍ଦ୍ର ସରକାର ନିଜର କର୍ମଚାରୀ ଓ ପେନସନଭୋଗୀଙ୍କୁ ଏକ ବଡ଼ ଖବର ଦେଇପାରେ । ଜାନୁଆରୀ ୧ରୁ ମହଙ୍ଗା ଭତ୍ତା (DA) ୪ ପ୍ରତିଶତ ବୃଦ୍ଧି କରିବାକୁ ମୋଦି ସରକାର ନିଷ୍ପତ୍ତି ନେଇସାରିଛନ୍ତି । ବର୍ତ୍ତମାନ ଏହା ୩୮ ପ୍ରତିଶତରୁ ୪୨ ପ୍ରତିଶତକୁ ବୃଦ୍ଧି (DA Hike) ପାଇଛି । ଆପଣଙ୍କୁ କହି ରଖୁଛୁ ଯେ,  ମହଙ୍ଗା ଭତ୍ତା AICPI-IW ଆଧାରରେ ଗଣନା କରାଯାଏ । ସରକାରଙ୍କ ଦ୍ୱାରା ବର୍ଷକୁ ଦୁଇଥର ମହଙ୍ଗା ଭତ୍ତା ବୃଦ୍ଧି କରାଯାଏ । ଏହା ଜାନୁଆରୀ ଓ ଜୁଲାଇରେ କାର୍ଯ୍ୟକାରୀ ହୋଇଥାଏ । ତେବେ ଏହି ଘୋଷଣା ପ୍ରତିବର୍ଷ ବିଳମ୍ବରେ ହୋଇଥାଏ । ଯେପରି ଜାନୁଆରୀ ପାଇଁ ମହଙ୍ଗା ଭତ୍ତା ନିଷ୍ପତ୍ତି ମାର୍ଚ୍ଚରେ ନିଆଯାଇଛି । ସେହିଭଳି ଜୁଲାଇ ପାଇଁ ନିଷ୍ପତ୍ତି ସେପ୍ଟେମ୍ବର-ଅକ୍ଟୋବରରେ ନିଆଯାଇଥାଏ ।