ରାଷ୍ଟ୍ରପତି ହେବା ପରେ ପ୍ରଥମ ଆନ୍ଦୋଳନକୁ ସାମ୍ନାକୁ କରିବେ ଦ୍ରୌପଦୀ

ନୂଆଦିଲ୍ଲୀ: ଦରଦାମ ବୃଦ୍ଧିକୁ ବିରୋଧ କରି ରାଷ୍ଟ୍ରପତି ଭବନ (Rastrapati Bhawan) ପର୍ଯ୍ୟନ୍ତ କଂଗ୍ରେସ (Congress) ସାଂସଦମାନେ (MP) ଶୋଭାଯାତ୍ରା (Protest) କରିବା ସହିତ ବିରୋଧ କରିବାକୁ ପ୍ରସ୍ତୁତ ହେଉଛନ୍ତି। ଏହି ପଦଯାତ୍ରା ଶୁକ୍ରବାର ୧୧ଟା ସମୟରେ ବାହାର କରାଯିବ। ଉପରୋକ୍ତ ବିଷୟ ସମ୍ପର୍କରେ ସୂଚନା ଦେଇ କଂଗ୍ରେସ (Congress) ନେତା ଡିଜିଭି ସିଂ (DGV Singh) କହିଛନ୍ତି ଯେ ମୁଦ୍ରାସ୍ଫୀତିର ବାସ୍ତବତା ବିଷୟରେ ଅର୍ଥମନ୍ତ୍ରୀ ଅବଗତ ନୁହଁନ୍ତି। 

ଏଥି ସହିତ ଲୋକସଭା (Lokasabha) ତଥା ରାଜ୍ୟସଭାରେ (Rajyasabha) ଇଡି (ED) ତଥା ଅନ୍ୟାନ୍ୟ ଅନୁସନ୍ଧାନକାରୀ ସଂସ୍ଥାର ପ୍ରକ୍ରିୟା ବିରୋଧରେ କଂଗ୍ରେସ ତଥା ଅନ୍ୟ ବିରୋଧୀ ଦଳର ଆନ୍ଦୋଳନରେ ରାଜ୍ୟସଭା କଂଗ୍ରେସ ସାଂସଦ ନାସିର ହୁସେନ୍ ଗଣମାଧ୍ୟମକୁ କହିଛନ୍ତି ଯେ ସାଂସଦମାନଙ୍କର ସୁବିଧା ରହିଛି। ରାଜ୍ୟସଭାରେ ବିରୋଧୀ ଦଳର ନେତା ପଦ ଏକ ସାମ୍ବିଧାନିକ ପଦ। ସଂସଦର ଅଧିବେଶନରେ ଇଡି କାହିଁକି ସମନ ଜାରି କରିଛି? ଏହା ଜଣେ ସାଂସଦଙ୍କ ଅଧିକାରର ବିରୋଧୀ ।

ନାସିର ହୁସେନ୍ କହିଛନ୍ତି ଯେ ସରକାର ଜନସାଧାରଣଙ୍କ ଦୃଷ୍ଟି ଆକର୍ଷଣ କରିବାକୁ ଚାହୁଁଛନ୍ତି। କାହିଁକି ଇଡି ଏବଂ ଅନ୍ୟାନ୍ୟ ଅନୁସନ୍ଧାନକାରୀ ସଂସ୍ଥା ବିଜେପିରେ ଯୋଗ ଦେଇଥିବା ନେତା ଓ ବିଧାୟକଙ୍କ ବିରୋଧରେ କାର୍ଯ୍ୟାନୁଷ୍ଠାନ ବନ୍ଦ କଲେ? ଝାଡଖଣ୍ଡରେ କଣ ଘଟୁଛି, ପଶ୍ଚିମବଙ୍ଗରେ କଣ ଘଟିଛି । ଶୁକ୍ରବାର ପୂର୍ବାହ୍ନ ୧୧ଟା ରେ ସମସ୍ତ କଂଗ୍ରେସ ସାଂସଦ ରାଷ୍ଟ୍ରପତି ଭବନ ଅଭିମୁଖେ ଯାତ୍ରା କରିବେ। ମୁଦ୍ରାସ୍ଫୀତି ନିୟନ୍ତ୍ରଣ ପାଇଁ ପ୍ରଧାନମନ୍ତ୍ରୀ ଏବଂ ଅର୍ଥମନ୍ତ୍ରୀଙ୍କୁ ପରାମର୍ଶ ଦେବାକୁ ଆମେ ରାଷ୍ଟ୍ରପତିଙ୍କୁ କହିବାକୁ ଚାହୁଁଛୁ।

ଆସନ୍ତାକାଲି ସମସ୍ତ କଂଗ୍ରେସ ସାଂସଦ ରାଷ୍ଟ୍ରପତି ଭବନ ଅଭିମୁଖେ ଯାତ୍ରା କରିବେ। ଏଠାରେ କହି ରଖୁ ଯେ କିଛି ଦିନ ପୂର୍ବରୁ କଂଗ୍ରେସ ଲୋକସଭା ଓ ରାଜ୍ୟସଭା ସାଂସଦମାନଙ୍କୁ 'ଚଲୋ ରାଷ୍ଟ୍ରପତି ଭବନ' ନାମରେ ବିରୋଧ ଓ ଶୋଭାଯାତ୍ରା କରିବାକୁ କହିଥିଲେ। ଏହାପୂର୍ବରୁ ବିରୋଧୀ ଦଳ ସହିତ କଂଗ୍ରେସ ସରକାରଙ୍କ ନିକଟରେ ଦାବି କରିଥିଲା ​​ଯେ ସଂସଦରେ ମୁଦ୍ରାସ୍ଫୀତି ଉପରେ ଆଲୋଚନା ହେବା ଉଚିତ୍। କଂଗ୍ରେସର ଏହି ଦାବି ପରେ ହିଁ ଅର୍ଥମନ୍ତ୍ରୀ ନିର୍ମଳା ସୀତାରମଣ ସୋମବାର ସଂସଦରେ ମୁଦ୍ରାସ୍ଫୀତି ସମ୍ପର୍କରେ କହିଥିଲେ। ତେବେ ମୁଦ୍ରାସ୍ଫୀତି ଉପରେ ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ଉତ୍ତର ସମ୍ପର୍କରେ କଂଗ୍ରେସ ନେତା ଅଧିର ରଞ୍ଜନ ଚୌଧୂରୀ ଗଣମାଧ୍ୟମ ନିକଟରେ ନିଜର ମତାମତ ରଖିଛନ୍ତି। 

ସରକାରଙ୍କୁ ଟାର୍ଗେଟ କରି ଶ୍ରୀ ଚୌଧୂରୀ କହିଥିଲେ ଏହି ସରକାରଙ୍କ ନିକଟରେ କିଛି ବି ଦମ ନାହିଁ। କେବଳ ଭ୍ରମାତ୍ମକ ତଥ୍ୟ ପ୍ରଦାନ କରାଯାଉଛି। ଏସବୁ ନିରର୍ଥକ, ସମସ୍ତ ଭୁଲ ତଥ୍ୟ ଉପସ୍ଥାପିତ ହୋଇଛି। ଲୋକମାନଙ୍କୁ ପଚାର, ଦରବୃଦ୍ଧି ପରେ ସେମାନଙ୍କର ଅବସ୍ଥା କିପରି ରହିଛି। ତୁମେ ବଜାରକୁ ଯାଅ, ସେଠାରେ ନିଆଁ ଲାଗିଛି, ଲୋକଙ୍କ ପକେଟରେ ନିଆଁ ଲାଗିଯାଇଛି। ଲୋକଙ୍କ ଆର୍ଥିକ ଅବସ୍ଥା ବିଗିଡି ଯାଇଛି ବୋଲି ସେ କହିଥିଲେ।

ସେ ଆହୁରି ମଧ୍ୟ କହିଥିଲେ ଯେ ସରକାର ନିଜର ଦୋଷଦୁର୍ବଳତାକୁ ବଞ୍ଚାଇବା ପାଇଁ ୟୁପିଏ ଉପରେ ଦୋଷ ଲଦିବାରେ ବ୍ୟସ୍ତ ରହିଛି। ଗୋଟିଏ ସମୟରେ ଗ୍ୟାସ ସିଲିଣ୍ଡର ଦାମ ୩୫୦ରୁ ୪୦୦ ଟଙ୍କା ରହିଥିଲା। ସେହି ସମୟରେ ପେଟ୍ରୋଲ ଓ ଡିଜେଲର ଦର କଣ ଥିଲା ଆଉ ବର୍ତ୍ତମାନ ସ୍ଥିତିରେ କଣ ରହିଛି ତାହା ଆପଣମାନେ ସମସ୍ତେ ଜାଣନ୍ତି। ଏଭଳି ଭ୍ରମାତ୍ମକ ତଥ୍ୟ ଉପସ୍ଥାପନ କରି ସରକାର କଣ ପ୍ରମାଣ କରିବାକୁ ଚାହୁଁଛନ୍ତି ତାହା କେବଳ  ସରକାର ହିଁ ଜାଣନ୍ତି। ମିଛ ତଥ୍ୟ ପ୍ରଦାନ କରି ଲୋକମାନଙ୍କୁ କେବଳ ଭୁଆଁ ବୁଲାଇବା ବ୍ୟତୀତ ଆଉ କିଛି ନୁହେଁ ବୋଲି ସେ କହିଥିଲେ।