Top 10 News Today: ସଂକ୍ଷେପରେ ପଢନ୍ତୁ ଅପରାହ୍ନର ୧୦ଟି ପ୍ରମୁଖ ଖବର

Top 10 News Today

1. ରାଜ୍ୟରେ ନିର୍ବାଚନ ପ୍ରଚାର ପାଇଁ ଆସୁଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନିଜର ବ୍ୟକ୍ତିଗତ ମିତ୍ରତାକୁ  ବଳିଦାନ ଦେଇଥିବା କହିଛନ୍ତି। ସେ କହିଛନ୍ତି ଏହା ଓଡ଼ିଶାର ସ୍ୱାର୍ଥ ଲାଗି ଉଦ୍ଦିଷ୍ଟ।  ନିର୍ବାଚନ ପରେ ଏ ବିଷୟରେ ପୁଣିଥରେ ନିଶ୍ଚିତ କରାଇବି ଯେ ତାଙ୍କର କାହା ସହ ବ୍ୟକ୍ତିଗତ ଶତ୍ରୁତା ନାହିଁ ବୋଲି ସେ କହିଛନ୍ତି। 

2. ଦିଲ୍ଲୀ ବିମାନ ବନ୍ଦରରେ ବୋମା ଆତଙ୍କ ପରେ ଖାଲି ହୋଇଛି ବାରାଣସୀ ଯାଉଥିବା ବିମାନ । ଏହି ବିମାନରେ ବୋମା ଥିବା ଖବର ମିଳିବା ପରେ ସୁରକ୍ଷା କର୍ମୀ ଆବଶ୍ୟକ ପଦକ୍ଷେପ ନେଇଛନ୍ତି। ଦିଲ୍ଲୀ ଇନ୍ଦିରାଗାନ୍ଧି ଆନ୍ତର୍ଜାତିକ ବିମାନ ବନ୍ଦରରେ ଆଜି ସକାଳୁ ଏହା ଦେଖିବାକୁ ମିଳିଛି। ସମସ୍ତ ଯାତ୍ରୀ ସୁରକ୍ଷାତ ରହିଛନ୍ତି। ସମ୍ପୂର୍ଣ୍ଣ ବିମାନକୁ ଯାଞ୍ଚ କରାଯାଉଛି। 

3. ସାନ୍ତାଳ ଗାଁଗୁଡ଼ିକରେ ବାହାର ଲୋକଙ୍କ ପ୍ରବେଶ ଯୋଗୁ ସାନ୍ତାଳ ଜନସଂଖ୍ୟା କମୁଛି ବୋଲି କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ। ଝାଡ଼ଖଣ୍ଡରେ ଏକ ନିର୍ବାଚନୀ ସଭାକୁ ଉଦବୋଧନ ଦେଇ ସେ ଏହା କହିଛନ୍ତି। ଝାଡ଼ଖଣ୍ଡର ଜେଏମଏମ୍‍ ସରକାରଙ୍କ ପ୍ରୋତ୍ସାହନରେ ତାଙ୍କ ଜମିକୁ ହଡ଼ପ କରାଯାଉଥିବା ସେ କହିଛନ୍ତି। 

4. ଡେରା ସଚ୍ଚା ସୌଦା ମୁଖ୍ୟ ଗୁରମିତ ସିଂହଙ୍କୁ ତାଙ୍କ ପୂର୍ବତନ ମ୍ୟାନେଜର ରଞ୍ଜିତ ସିଂହଙ୍କ ହତ୍ୟା ଅଭିଯୋଗରୁ ମୁକ୍ତି ମିଳିଛି। ପଞ୍ଜାବ ଓ ହରିୟାଣା ହାଇକୋର୍ଟ ଏ ସମ୍ବନ୍ଧରେ ଶୁଣାଣି କରି ସେ ଏବଂ ତାଙ୍କ ଅନ୍ୟ ୪ ସହଯୋଗୀଙ୍କୁ ଖଲାସ  ଆଦେଶ ଦେଇଛନ୍ତି। ଏ ସମ୍ବନ୍ଧରେ ଗୁମମିତ ସିଂହଙ୍କ ଓକିଲ ସୂଚନା ଦେଇଛନ୍ତି। 

5. ମେ’ ୩୧ ତାରିଖ ସୁଦ୍ଧା ପ୍ୟାନ୍‍କୁ ଆଧାର ସହ ସଂଯୋଗ କରିବାକୁ ଆହ୍ୱାନ ଦେଇଛି ଆୟକର ବିଭାଗ। ଏହା ନହେଲେ ଅଧିକ ଟିକସ ( ଟିଡିଏସ୍‍) କଟିବ ବୋଲି ସେ କହିଛନ୍ତି। ଆଧାର ସଂଯୋଗ ନହେଲେ ଟିଡିଏସ୍‍ ଦ୍ୱିଗୁଣିତ ହେବ। 

6. ବିଜେପିର ୯ ନିର୍ବାଚନୀ ଲକ୍ଷ୍ୟ ବିଜେଡିକୁ ଅଧିକ ଫଳପ୍ରଦ ହୋଇଛି ବୋଲି କହିଛନ୍ତି ଭିକେ ପାଣ୍ଡିଆନ। କେହିବି ବିଜେଡିକୁ ଷଷ୍ଠଥର ସରକାର ଗଢ଼ିବାରୁ ବିରତ କରିପାରିବେ ନାହିଁ ବୋଲି ସେ କହିଛନ୍ତି। ଅନ୍ୟପକ୍ଷରେ ଗୃହମନ୍ତ୍ରୀ ଅମିତ ଶାହ ୧୪୭ ଆସନ ବିଶିଷ୍ଟ ଓଡ଼ିଶା ବିଧାନସଭାରୁ ୭୫ ଆସନ ଲାଭ କରିବ ବୋଲି ଆଶାବ୍ୟକ୍ତ କରିଛନ୍ତି। ଏହା ସହ ୧୭ଟି ଲୋକସଭା ଆସନରେ ବିଜେପି ବିଜୟୀ ହେବ ବୋଲି କହିଛନ୍ତି ଶ୍ରୀ ଶାହ।

7. ଇଣ୍ଡି  ମେଣ୍ଟ ସରକାରକୁ ଆସିଲେ ଆରକ୍ଷଣ ବ୍ୟବସ୍ଥାକୁ ସଂଶୋଧନ କରିବ। ୫୦ ପ୍ରତିଶତ ଆରକ୍ଷଣ ସିଲିଂକୁ ହଟାଇବ ବୋଲି କହିଛନ୍ତି କଂଗ୍ରେସ ନେତା ରାହୁଲ ଗାନ୍ଧି। ଏହା ସହ ସମ୍ବିଧାନକୁ ‘ଦିଲ୍‍, ଜାନ୍‍ ଔର ଖୁନ୍‍’ରେ ସୁରକ୍ଷିତ ରଖିବ ବୋଲି କହିଛନ୍ତି ଶ୍ରୀ ଗାନ୍ଧି। ଉତ୍ତର ପ୍ରଦେଶର ଏକ ନିର୍ବାଚନ ସଭାକୁ ସମ୍ବାଧିତ କରି ସେ ଏହା କହିଛନ୍ତି। 

8. ବଢ଼ୁଥିବା ରାଜନୀତିକ ହିଂସାକୁ ନିୟନ୍ତ୍ରଣ କରିବା ପାଇଁ  ଗଞ୍ଜାମ ଏସ୍‍ପି ଜଗମୋହନ ମୀନା ଦୃଢ଼ ପଦକ୍ଷେପ ନେଇଛନ୍ତି।  ଜୁନ୍ ୪ ତାରିଖ ପର୍ଯ୍ଯନ୍ତ ରାତି ସାଢ଼େ ୮ଟା ପରେ ଗଞ୍ଜାମ ପୋଲିସ ଜିଲ୍ଲାରେ ସମସ୍ତ ଦୋକାନ ବଜାର ବନ୍ଦ ରହିବାକୁ ଆଦେଶ ଜାରି କରିଛନ୍ତି। ରାତି ସାଢ଼େ ୮ଟା ପରେ ଗଞ୍ଜାମ ଜିଲ୍ଲାରେ କୌଣସି ହୋଟେଲ୍, ଢାବା କି ଚା’ ଦୋକାନ ଖୋଲା ରହିବ ନାହିଁ ବୋଲି ଏହି ନିର୍ଦ୍ଦେଶନାମାରେ କୁହାଯାଇଛି। 

9. ବାତ୍ୟା ରେମାଲ୍ ପରେ ବିଭିନ୍ନ ସ୍ଥାନରେ ପ୍ରବଳ ବର୍ଷା ଜାରି ରହିଛି। ଏହାରି ମଧ୍ୟରେ ପ୍ରବଳ ବର୍ଷା ଯୋଗୁଁ ମିଜୋରାମର ଆଇଜଲ ଜିଲ୍ଲାରେ ପଥର ଖଣିରେ ଭୂସ୍ଖଳନ ହୋଇଛି । ଯାହା ଫଳରେ ୧୦ ଜଣଙ୍କର ମୃତ୍ୟୁ ଘଟିଛି। ବର୍ଷା ଯୋଗୁ ଉଦ୍ଧାର କାର୍ଯ୍ୟ ବାଧା ପାଇଥିବା ସୂଚନା ମିଳିଛି।
 
10. ଆରବିଆଇର ପୂର୍ବତନ ରାଜ୍ୟପାଳ ରଘୁରାମ ରାଜନ କହିଛନ୍ତି ଯେ ନରେନ୍ଦ୍ର ମୋଦୀ ତୃତୀୟ ଥର ପାଇଁ ପ୍ରଧାନମନ୍ତ୍ରୀ ହୁଅନ୍ତୁ ନା ନାହିଁ ଏଥିରେ କୌଣସି ଫରକ୍ ପଡ଼ିବ ନାହିଁ। ଭାରତ ଏହାର ଅର୍ଥନୈତିକ ନୀତି ପଥରେ ଆଗକୁ ବଢ଼ିବ ବୋଲି ସେ କହିଛନ୍ତି।