ଲଜ୍ଜାଜନକ ପରାଜୟ ପରେ ଅବସର ନେବେ କି ମିତାଲି? ଜାଣନ୍ତୁ ତାଙ୍କ ମୁହଁରୁ...

Womens World Cup 2022: ଭାରତୀୟ ମହିଳା କ୍ରିକେଟ୍ ଦଳର ଅଧିନାୟକ ମିତାଲି ରାଜ (Mithali raj) ବିଶ୍ୱକପ ପୂର୍ବରୁ ଅବସର ନେବାକୁ ସୂଚନା ଦେଇଥିଲେ କିନ୍ତୁ ରବିବାର ଦିନ ଦକ୍ଷିଣ ଆଫ୍ରିକା ଭାରତକୁ ହରାଇବା ପରେ ବିଶ୍ୱକପର ଟିମ୍ ଇଣ୍ଡିଆ (Team India) ସେମିଫାଇନାଲ ପାଇଁ ଦୌଡ଼ରୁ ବାଦ ପଡିଛି । ଏହା ପରେ ସେ ଏହା କହିଛନ୍ତି ଭବିଷ୍ୟତ ବିଷୟରେ ନିଷ୍ପତ୍ତି ନେବା ପାଇଁ ଉପଯୁକ୍ତ ସମୟ ନୁହେଁ । ୬ ଟି ଦିନିକିଆ ବିଶ୍ୱକପ ଖେଳିଥିବା ଏକମାତ୍ର ମହିଳା କ୍ରିକେଟର କହିଛନ୍ତି ଯେ ଦକ୍ଷିଣ ଆଫ୍ରିକା ବିପକ୍ଷ ଶେଷ ଲିଗ୍ ମ୍ୟାଚକୁ ତିନି ୱିକେଟରେ ହାରିବାର ନିରାଶାକୁ ସେ କେବେ ଭୁଲି ପାରିବେ ନାହିଁ ।

ଯେତେବେଳେ ତାଙ୍କୁ ଅବସର ବିଷୟରେ ପଚରାଗଲା, ସେତବେଳେ ଏହି ୩୯ ବର୍ଷୀୟା କ୍ରିକେଟର କହିଛନ୍ତି, 'ଆପଣ ଆଜି ଯାହା ଘଟିଛି ତାହା ବୁଝାଇବାକୁ ଏବଂ ମୋର ଭବିଷ୍ୟତ ବିଷୟରେ ଚିନ୍ତା କରିବାକୁ ମୋତେ ଏକ ଘଣ୍ଟା ମଧ୍ୟ ସମୟ ଦେଲ ନାହଁ । ଯେତେବେଳେ ଆପଣ ଏକ ବର୍ଷରୁ ଅଧିକ ପରିଶ୍ରମ ସହିତ ବିଶ୍ୱକପ ପାଇଁ ପ୍ରସ୍ତୁତ ହୁଅନ୍ତି ଏବଂ ଆପଣଙ୍କର ଅଭିଯାନ ଏହିପରି ଶେଷ ହୁଏ ତେବେ ଅତ୍ୟନ୍ତ ନିରାଶଜନକ ହାଇଥାଏ । ଏହାକୁ ସ୍ୱୀକାର କରିବା ଏବଂ ଏଠାରୁ ଆଗକୁ ବଢିବା ପାଇଁ ସମୟ ଲାଗେ । କୌଣସି ଖେଳାଳିଙ୍କ ଭବିଷ୍ୟତ ଯାହା ବି ହେଉ, ମୁଁ ମୋର ଭବିଷ୍ୟତ ବିଷୟରେ ପ୍ରକୃତରେ ଚିନ୍ତା କରି ନାହିଁ ।'

ଯେତେବେଳେ ଭାରତୀୟ ଦଳ ଜର୍ସିରେ ଏହା ତାଙ୍କର ଶେଷ ମ୍ୟାଚ୍ ବୋଲି ମିତାଲିଙ୍କୁ ପଚରାଯାଇଥିଲା, ସେତେବେଳେ ସେ କହିଥିଲେ, 'ମୁଁ ବର୍ତ୍ତମାନ ଏହି ବିଷୟରେ କଥାବାର୍ତ୍ତା କରିବା ପାଇଁ ଠିକ୍ ସ୍ଥିତିରେ ନାହିଁ, ... ମୋ ପାଇଁ ବର୍ତ୍ତମାନ ଭବିଷ୍ୟତ ଉପରେ ମନ୍ତବ୍ୟ ଦେବା ଉପଯୁକ୍ତ ସମୟ ନୁହେଁ? ବର୍ତ୍ତମାନ ଆଜି ଆମେ କରିଥିବା ପଦ୍ଧତିକୁ ବିଚାର କରି ଭାବନାକୁ ନିୟନ୍ତ୍ରଣ କରିବା କଷ୍ଟକର ।'

ମିତାଲି କହିଛନ୍ତି, 'ଯଦି ଖେଳାଳିଙ୍କର ଗୋଟିଏ ପିଢ଼ି ଯାଏ, ଅନ୍ୟ ପିଢ଼ି ଆସେ । ଦଳକୁ ଆଗକୁ ବଢିବାକୁ ପଡିବ । ପ୍ରତ୍ୟେକ ବିଶ୍ୱକପ ପରେ ଦଳରେ ସବୁବେଳେ ପରିବର୍ତ୍ତନ ଆସିଥାଏ । ଏଥିରେ ନୂଆ ଚେହେରା ରହିବେ ଏବଂ କିଛି ଅଭିଜ୍ଞ ଖେଳାଳି ମଧ୍ୟ ରହିବେ । ଦକ୍ଷିଣ ଆଫ୍ରିକା ଇନିଂସ ଆରମ୍ଭରେ ଭାରତୀୟ ଦଳ ୱିକେଟ୍ ନେବାରେ ବିଫଳ ହୋଇଥିଲା ଏବଂ ମିଥାଲି କହିଛନ୍ତି ଯେ ଦଳ ଝୁଲଣ ଗୋସ୍ୱାମୀଙ୍କୁ ମିସ କରିଛି ।'

ମିତାଲି କହିଛନ୍ତି, 'ମୁଁ ନିଶ୍ଚିତ ଯେ ତାଙ୍କ ଉପସ୍ଥିତି ଦଳ ପାଇଁ ଏକ ବଡ ପରିବର୍ତ୍ତନ ଆଣିଥାନ୍ତା । ବିଭିନ୍ନ ପ୍ରକାରର ପିଚ୍ ଏବଂ ସମସ୍ତ ଅବସ୍ଥାରେ ଖେଳିବା ପାଇଁ ତାଙ୍କର ଏତେ ବର୍ଷର ଅଭିଜ୍ଞତା ଅଛି । ବୋଲିଂ ଆକ୍ରମଣର ନେତୃତ୍ୱ ନେବା ପାଇଁ ତାଙ୍କ ପରି କିମ୍ବଦନ୍ତୀ ରହିବା ମଧ୍ୟ ଏକ ବଡ ପ୍ରଭାବ ପକାଇଥାନ୍ତା । ମୁଁ ନିଶ୍ଚିତ ଯେ ସେ ନିଶ୍ଚିତ ଭାବରେ ଅତ୍ୟନ୍ତ ନିରାଶ ଅନୁଭବ କରୁଛନ୍ତି ଯେ ସେ ଭାରତୀୟ ଦଳର ଶେଷ ମ୍ୟାଚର ଅଂଶ ହୋଇପାରିବେ ନାହିଁ । ଅଭ୍ୟାସ ଅଧିବେଶନରେ ସେ ଆହତ ହୋଇଥିଲେ ଏବଂ ପରେ ସୁସ୍ଥ ହେବାରେ ବିଫଳ ହୋଇଥିଲେ । ଆମେ ଏହି ମ୍ୟାଚ୍ ଜିତିବାକୁ ଚାହୁଁଥିଲୁ ଯାହା ଦ୍ୱାରା ସେ ସେମିଫାଇନାଲରେ ଦଳ ସହ ରହିପାରିବେ ।'

ଏହା ବି ପଢ଼ନ୍ତୁ: ମେହବୁବା ମୁଫ୍‌ତିଙ୍କ 'ପାକ୍ ପ୍ରେମ'! ପାକିସ୍ତାନ ସହ କଥାବାର୍ତ୍ତା କରିବାକୁ କଲେ ଓକିଲାତି

ଏହା ବି ପଢ଼ନ୍ତୁ: 'ଦ କାଶ୍ମୀର ଫାଇଲ୍ସ' ଦେଖିବା ପରେ ଅନୁପମଙ୍କୁ ଫୋନ୍ କଲେ ସଲମାନ; ଜାଣନ୍ତୁ କ’ଣ କହିଲେ