Bengal Politics: '୨୧ ଟିଏମସି ନେତା ବିଜେପି ସମ୍ପର୍କରେ, କେବଳ ସମୟକୁ ଅପେକ୍ଷା'

Mithun Chakraborty: ବିଜେପି ନେତା ମିଥୁନ ଚକ୍ରବର୍ତ୍ତୀ ପୁଣି ଥରେ ଦାବି କରିଛନ୍ତି ଯେ ଶାସକ ତୃଣମୂଳ କଂଗ୍ରେସର (Trinamool Congress) ୨୧  ଜଣ ବିଧାୟକ ତାଙ୍କ ସହ ସିଧାସଳଖ ଯୋଗାଯୋଗରେ ଅଛନ୍ତି । କୋଲକାତାର (Kolkata) ବିଜେପି କାର୍ଯ୍ୟାଳୟରେ ଏକ ସାମ୍ବାଦିକ ସମ୍ମିଳନୀକୁ ସମ୍ବୋଧିତ କରି ମିଥୁନ ଚକ୍ରବର୍ତ୍ତୀ (Mithun Chakraborty) କହିଛନ୍ତି ଯେ ୨୧ ଟିଏମସି ବିଧାୟକ ମୋ ସହ ଯୋଗାଯୋଗରେ ଅଛନ୍ତି । ମୁଁ ଏହା ପୂର୍ବରୁ କହିଛି ଓ ମୁଁ ଏହା ପୁଣି କହୁଛି, ମୁଁ ମୋ କଥାରେ ଷ୍ଟାଣ୍ଡ କରୁଛି । କେବଳ ସମୟକୁ ଅପେକ୍ଷା କର ।

ଅଭିନେତାରୁ ରାଜନେତା ହୋଇଥିବା ମିଥୁନ ଚକ୍ରବର୍ତ୍ତୀ କହିଛନ୍ତି ଯେ ଟିଏମସି ନେତାଙ୍କ ବିରୋଧରେ ଦଳ ମଧ୍ୟରେ ଆପତ୍ତି ରହିଛି । ଶନିବାର ଦିନ ଦୁର୍ଗା ପୂଜା ପୂର୍ବରୁ ବିଜେପି ନେତାଙ୍କ ସହ ସାକ୍ଷାତ ପାଇଁ ମିଥୁନ ଚକ୍ରବର୍ତ୍ତୀ କୋଲକାତାରେ ଥିଲେ । ଗଣମାଧ୍ୟମ ବ୍ୟକ୍ତିବିଶେଷଙ୍କ ସହ କଥାବାର୍ତ୍ତା ସମୟରେ ତାଙ୍କୁ ପଚରାଯାଇଥିଲା କି ଟିଏମସିର ଇଚ୍ଛୁକ ବିଧାୟକଙ୍କ ସଂଖ୍ୟା ବୃଦ୍ଧି ପାଇଛି କି? ଏହାର ଉତ୍ତରରେ ମିଥୁନ ଚକ୍ରବର୍ତ୍ତୀ କହିଛନ୍ତି ଯେ ମୁଁ ଆପଣଙ୍କୁ ସଠିକ୍ ସଂଖ୍ୟା କହିବି ନାହିଁ, କିନ୍ତୁ ମୁଁ କହିପାରେ ଯେ ଏହି ସଂଖ୍ୟା ୨୧ ରୁ କମ୍ ନୁହେଁ ।

ଏହା ବ୍ୟତୀତ ମିଥୁନ ଚକ୍ରବର୍ତ୍ତୀ ସିବିଆଇ ଓ ଇଡିର ଅପବ୍ୟବହାର ସମ୍ପର୍କରେ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ନିକଟରେ ଦେଇଥିବା ବୟାନ ଉପରେ କହିଛନ୍ତି ଯେ ହଁ ମୁଁ ଭାବୁଛି ସେ ଠିକ୍ କହିଛନ୍ତି । ପ୍ରକୃତରେ ପ୍ରଧାନମନ୍ତ୍ରୀ ଏହା କରୁନାହାଁନ୍ତି ବୋଲି କୋର୍ଟ କହିଛନ୍ତି । ଆମେ କଣ କରିପାରିବା? ବିଜେପି ବଙ୍ଗଳା ବ୍ରିଗେଡ୍ ଆପଣଙ୍କ ପାଇଁ କ’ଣ ଭୁଲ୍ କରିଛି ତାହା ମମତା ବାନାର୍ଜୀଙ୍କୁ କହିବାକୁ ପଡିବ ।

ମିଥୁନ ଚକ୍ରବର୍ତ୍ତୀ ଏହା ମଧ୍ୟ କହିଛନ୍ତି, "ମୁଁ ଏହା ପୂର୍ବରୁ ମଧ୍ୟ କହିଥିଲି, ଯଦି ଆପଣ କିଛି ଭୁଲ କରିନାହଁ, ଯଦି ଆପଣ କ୍ଲିନ, ତେବେ ଆପଣ ଘରକୁ ଯାଇ ଶାନ୍ତିରେ ଶୋଇ ପାରିବ, କିଛି ହେବ ନାହିଁ । କିନ୍ତୁ ଯଦି ଆପଣଙ୍କ ବିରୋଧରେ କୌଣସି ପ୍ରମାଣ ଅଛି ତେବେ ପ୍ରଧାନମନ୍ତ୍ରୀ କିମ୍ବା ରାଷ୍ଟ୍ରପତି ମଧ୍ୟ ଆପଣଙ୍କୁ ବଞ୍ଚାଇ ପାରିବେ ନାହିଁ । କିଛି ଦିନ ପୂର୍ବରୁ ମମତା ବାନାର୍ଜୀ କହିଥିଲେ ଯେ କେନ୍ଦ୍ରୀୟ ଏଜେନ୍ସିଗୁଡିକର ଅପବ୍ୟବହାର ପଛରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଅଛନ୍ତି ବୋଲି ସେ ଭାବନ୍ତି ନାହିଁ ।

ଏହା ବି ପଢ଼ନ୍ତୁ: ବଡ ଖବର! ୧ ଅକ୍ଟୋବରରୁ ବଦଳିଯିବ ଏସବୁ ନିୟମ, ଆପଣଙ୍କ ପକେଟ୍ ଉପରେ ପଡିବ ସିଧାସଳଖ ପ୍ରଭାବ

ଏହା ବି ପଢ଼ନ୍ତୁ: RBI Cancels License: ଏହି ବ୍ୟାଙ୍କର ଲାଇସେନ୍ସକୁ ରଦ୍ଦ କଲା ଆରବିଆଇ, ବୁଡିଯିବ କି ଗ୍ରାହକଙ୍କ ଟଙ୍କା?

ଏହା ବି ପଢ଼ନ୍ତୁ: Supreme Court: ମୁଁ ପୁଣି ଆଜାଦ, ଅବସର ନେଲାପରେ ଏପରି ଆଶ୍ଚର୍ଯ୍ୟଜନକ ବୟାନ ଦେଲେ ସୁପ୍ରିମକୋର୍ଟ ବିଚାରପତି, ଜାଣନ୍ତୁ କାହିଁକି?