ସୁସ୍ଥ ରହିବାକୁ ଚାହୁଁଥିଲେ ନିଜର ଖାଦ୍ୟରେ ଫଳ ସାମିଲ କରିବା ନିହାତି ଆବଶ୍ୟକ । ହେଲେ ଫଳ ଖାଇବାର ଏକ ସଠିକ୍ ସମୟ ଓ ସଠିକ୍ ନିୟମ ମଧ୍ୟ ରହିଛି । ଯାହାକି ଆପଣଙ୍କୁ ସୁସ୍ଥ ରଖିବାରେ ସାହାଯ୍ୟ କରିବ ।
ତେବେ ଜାଣନ୍ତୁ କେତେବେଳେ ଏବଂ କେମିତି ଫଳ ଖାଇବେ?
ଖାଦ୍ୟ ଖାଇବା ପୂର୍ବରୁ ଏବଂ ପରେ ସାଙ୍ଗେସାଙ୍ଗେ ଫଳ ଖାଆନ୍ତୁ ନାହିଁ । ସକାଳ ସମୟରେ ଜଳଖିଆ ଖାଇସାରିବା ପରେ ଫଳ ଖାଇପାରିବେ । ଫଳରେ ବହୁତ କ୍ୟାଲୋରି ରହିଥାଏ । ଏହି କାରଣରୁ ଖାଦ୍ୟ ଖାଇବା ପରେ ଫଳ ଖାଇବା ଆମ ଶରୀର ପାଇଁ କ୍ଷତିକାରକ ।
ଖାଦ୍ୟ ଖାଇବା ପରେ ଫଳ ଖାଇଲେ ଗ୍ୟାସ, ଏସିଡିଟି ପରି ବିଭିନ୍ନ ସମସ୍ୟା ସୃଷ୍ଟି ହୋଇଥାଏ ।ଏହା ଛଡା ପାଚନ ତନ୍ତ୍ର ଉପରେ ମଧ୍ୟ କୁପ୍ରଭାବ ପଡିଥାଏ । ତେଣୁ ଖାଦ୍ୟ ଖାଇବା ପରେ ଫଳ ଖାଉଥିଲେ ସେଥିରୁ ଦୂରେଇ ରୁହନ୍ତୁ ।
ଫଳ ସହ କ୍ଷୀର କିମ୍ବା ଦହିର ସେବନ କରନ୍ତୁ ନାହିଁ ।
ଫଳ ଖାଇବାର ଏକ ଘଣ୍ଟା ପର୍ଯ୍ୟନ୍ତ କୌଣସି ଖାଦ୍ୟ ଖାଆନ୍ତୁ ନାହିଁ । କାରଣ ଆପଣ କେବେ କ୍ଷୀର ଓ ଲେମ୍ୱୁ ଏକା ସହ ଖାଆନ୍ତି କି? କ୍ଷୀର ସହ ଲେମ୍ୱୁ ଖାଇଲେ କ୍ଷୀର ଛିଡ଼ି ଯାଇଥାଏ ବା ଦାନା ଦାନା ହୋଇଯାଏ । ସେହିପରି ସବୁ ଫଳ ମିଠା ନଥାଏ । କିଛି ଫଳରେ ଏସିଡର ଭାଗ ମଧ୍ୟ ରହିଥାଏ ଯାହା କ୍ଷୀର ସହ ଖାଇଲେ ପେଟ ଖରାପ ହୋଇଥାଏ । ତେବେ ଆପଣ ଚାହିଁଲେ ମିଠା ଫଳ ଖାଇ ପାରିବେ କିନ୍ତୁ ଏକ ଘଣ୍ଟା ପର୍ଯ୍ୟନ୍ତ ନ ଖାଇଲେ ଅଧିକ ଲାଭବାନ ହେବେ ।