ସଙ୍କଟରେ ସବୁଠୁ ବଡ଼ ସାମରିକ ମେଣ୍ଟ! ଏହି ୨ ଦେଶ ବାହାନାରେ ନାଟୋ ଠାରୁ ପ୍ରତିଶୋଧ ନେଉଛି ତୁର୍କୀ
Advertisement

ସଙ୍କଟରେ ସବୁଠୁ ବଡ଼ ସାମରିକ ମେଣ୍ଟ! ଏହି ୨ ଦେଶ ବାହାନାରେ ନାଟୋ ଠାରୁ ପ୍ରତିଶୋଧ ନେଉଛି ତୁର୍କୀ

ବିଶ୍ଳେଷକଙ୍କ ଅନୁଯାୟୀ, PKK ପ୍ରସଙ୍ଗରେ ପାଶ୍ଚାତ୍ୟ ଦେଶଗୁଡ଼ିକର ଆଭିମୁଖ୍ୟକୁ ନେଇ ତୁର୍କୀ ଦୀର୍ଘ ଦିନରୁ ଅସନ୍ତୋଷ ପ୍ରକାଶ କରିଆସୁଛି । ତୁର୍କୀର ଅଭିଯୋଗ ହେଉଛି ଯେ କୁର୍ଦ୍ଦ ବିଚ୍ଛିନ୍ନତାବାଦୀଙ୍କ ସହ ଲଢ଼େଇରେ ଏହି ଦେଶମାନେ ତାକୁ ସମର୍ଥନ କରିନାହାଁନ୍ତି । ତୁର୍କୀ ପୂର୍ବରୁ ସ୍ୱିଡେନ ବିରୋଧରେ ଅଭିଯୋଗ ଆଣିଥିଲେ ଯେ ସେ କୁର୍ଦ୍ଦିଷ୍ଟ ଆତଙ୍କବାଦୀଙ୍କୁ ଲୁଚାଇ ରଖିଛି । ଏହା ସହ ସେ ମଧ୍ୟ ଉତ୍ତର ସିରିଆର ତୁର୍କୀ ବିରୋଧୀ ଗୋଷ୍ଠୀକୁ ସାହାଯ୍ୟ କରିଛି । ତୁର୍କୀ ଏହି ଗୋଷ୍ଠୀଗୁଡ଼ିକୁ PKK ର ଅଂଶ ବୋଲି ମନେ କରେ ।

ସଙ୍କଟରେ ସବୁଠୁ ବଡ଼ ସାମରିକ ମେଣ୍ଟ! ଏହି ୨ ଦେଶ ବାହାନାରେ ନାଟୋ ଠାରୁ ପ୍ରତିଶୋଧ ନେଉଛି ତୁର୍କୀ

ନୂଆଦିଲ୍ଲୀ: ଫିନଲ୍ୟାଣ୍ଡ (Finland) ଓ ସ୍ୱିଡେନ (Sweden) ର ନାଟୋ ବା ଉତ୍ତର ଆଟଲାଣ୍ଟିକ୍ ଚୁକ୍ତି ସଂଗଠନ (North Atlantic Treaty Organization:NATO) ରେ ଯୋଗଦେବାର ଇଚ୍ଛା ଉପରେ ତୁର୍କୀ (Turkey) ବିରୋଧ କରୁଥିବାର ନଜରକୁ ଆସୁଛି । ଯାହା ପରେ ନାଟୋ (NATO) ର ସଦସ୍ୟ ଦେଶମାନେ (NATO Countries) ଚିନ୍ତାରେ ଅଛନ୍ତି । ନାଟୋରେ କୌଣସି ନୂତନ ଦେଶକୁ ସଦସ୍ୟତା ପ୍ରଦାନ ଭଳି ଗୁରୁତ୍ୱପୂର୍ଣ୍ଣ ନିଷ୍ପତ୍ତି ସର୍ବ ସମ୍ମତି ଅନୁଯାୟୀ ନିଆଯାଏ । ତେଣୁ, ଯଦି କୌଣସି ସଦସ୍ୟ ଦେଶ ଏଥିରେ ସହମତ ନୁହଁନ୍ତି ତେବେ ନିଷ୍ପତ୍ତି ଅଟକି ରହିବ ।

ବିଗତ ଦିନରେ ତୁର୍କୀ ରାଷ୍ଟ୍ରପତି ରିସେପ ତାଇପ ଏର୍ଦୋଗନ (Turkish President Recep Tayyip Erdogan) ଖୋଲାଖୋଲି ଭାବେ କହିଛନ୍ତି ଯେ, ସେ ଦୁଇ ଦେଶର ନାଟୋ (NATO) ରେ ଯୋଗଦେବା ଯୋଜନାକୁ ବିରୋଧ କରିବେ । ସେ ଅଭିଯୋଗ କରିଛନ୍ତି ଯେ ଉଭୟ ଦେଶ ଏକ ପ୍ରକାରରେ ଆତଙ୍କବାଦୀଙ୍କ ଗେଷ୍ଟହାଉସ୍ ରହିଆସିଛି । ଏହାପୂର୍ବରୁ ଗତ ସପ୍ତାହରେ ଫିନଲ୍ୟାଣ୍ଡ ଓ ସ୍ୱିଡେନ ନାଟୋରେ ଯୋଗଦେବା ପାଇଁ ଆନୁଷ୍ଠାନିକ ଭାବେ ଆବେଦନ କରିଥିଲେ । ୟୁକ୍ରେନ (Ukraine) ଉପରେ ଋଷର (Russia) ଆକ୍ରମଣ ପରେ ସୃଷ୍ଟି ହୋଇଥିବା ଭୟ ବାତାବରଣ ମଧ୍ୟରେ ଏହି ଦୁଇ ଦେଶ ଏହି ନିଷ୍ପତ୍ତି ନେଇଛନ୍ତି ।

ନାଟୋ ୧୯୪୯ରେ ପ୍ରତିଷ୍ଠା କରାଯାଇଥିଲା । ୧୯୫୨ରେ ତୁର୍କୀ ଏଥିରେ ଯୋଗ ଦେଇଥିଲା । ଏହି ସାମରିକ ସଂଗଠନରେ ଜଡିତ ଦେଶମାନଙ୍କ ମଧ୍ୟରେ ବୃହତ୍ତମ ସେନା ଦୃଷ୍ଟିରୁ ତୁର୍କୀ ଦ୍ୱିତୀୟ ସ୍ଥାନରେ ରହିଛି । ଏର୍ଦୋଗନ ଅଭିଯୋଗ କରିଛନ୍ତି ଯେ, ଫିନଲ୍ୟାଣ୍ଡ ଓ ସ୍ୱିଡେନ ତୁର୍କୀର ବିଚ୍ଛିନ୍ନତାବାଦୀ କୁର୍ଦ୍ଦ ଦଳର ସଦସ୍ୟ PKKର ସଦସ୍ୟମାନଙ୍କୁ ଶରଣ ଦେଇଛନ୍ତି । ପିକେକେ କୁର୍ଦ୍ଦିଷ୍ଟ ପ୍ରାଧାନ୍ୟ ଅଞ୍ଚଳକୁ ତୁର୍କୀରୁ  ପୃଥକ କରି ଏକ ସ୍ୱାଧୀନ ଦେଶ ଗଠନ କରିବାକୁ ଚାହୁଁଛି । ଏଥିପାଇଁ ସେମାନେ ଦଶନ୍ଧି ଧରି ତୁର୍କୀ ବିରୋଧରେ ସଶସ୍ତ୍ର ସଂଗ୍ରାମରେ ଜଡିତ ଅଛନ୍ତି । ପିକେକେକୁ ତୁର୍କୀ ବ୍ୟତୀତ ଆମେରିକା ଓ ୟୁରୋପୀୟ ୟୁନିଅନ ମଧ୍ୟ ଆତଙ୍କବାଦୀ ସଂଗଠନ ତାଲିକାରେ ରଖିଛନ୍ତି ।

ବିଶ୍ଳେଷକଙ୍କ ଅନୁଯାୟୀ, PKK ପ୍ରସଙ୍ଗରେ ପାଶ୍ଚାତ୍ୟ ଦେଶଗୁଡ଼ିକର ଆଭିମୁଖ୍ୟକୁ ନେଇ ତୁର୍କୀ ଦୀର୍ଘ ଦିନରୁ ଅସନ୍ତୋଷ ପ୍ରକାଶ କରିଆସୁଛି । ତୁର୍କୀର ଅଭିଯୋଗ ହେଉଛି ଯେ କୁର୍ଦ୍ଦ ବିଚ୍ଛିନ୍ନତାବାଦୀଙ୍କ ସହ ଲଢ଼େଇରେ ଏହି ଦେଶମାନେ ତାକୁ ସମର୍ଥନ କରିନାହାଁନ୍ତି । ତୁର୍କୀ ପୂର୍ବରୁ ସ୍ୱିଡେନ ବିରୋଧରେ ଅଭିଯୋଗ ଆଣିଥିଲେ ଯେ ସେ କୁର୍ଦ୍ଦିଷ୍ଟ ଆତଙ୍କବାଦୀଙ୍କୁ ଲୁଚାଇ ରଖିଛି । ଏହା ସହ ସେ ମଧ୍ୟ ଉତ୍ତର ସିରିଆର ତୁର୍କୀ ବିରୋଧୀ ଗୋଷ୍ଠୀକୁ ସାହାଯ୍ୟ କରିଛି । ତୁର୍କୀ ଏହି ଗୋଷ୍ଠୀଗୁଡ଼ିକୁ PKK ର ଅଂଶ ବୋଲି ମନେ କରେ ।

ତୁର୍କୀ କହିଛି ଯେ, ସେ ଅନେକ ଥର ଫିନଲ୍ୟାଣ୍ଡ ଓ ସ୍ୱିଡେନରେ ଥିବା କୁର୍ଦ୍ଦ ଆତଙ୍କବାଦୀଙ୍କ ପ୍ରତ୍ୟର୍ପଣ ପାଇଁ ଏହା ଅନୁରୋଧ ପଠାଇଛି, କିନ୍ତୁ ଉଭୟ ଦେଶ ଏହାର ଜବାବ ଦେଇନାହାଁନ୍ତି । କୁହାଯାଏ ଯେ, ଏହି ଦେଶରେ ଫାଟୋ ନାମକ ଦଳ ସହିତ ଜଡିତ କିଛି ଲୋକ ମଧ୍ୟ ଅଛନ୍ତି । ଆମେରିକାରେ ରହୁଥିବା ମୌଲବୀ ଫେତୁଲ୍ଲାହ ଗୁଲେନଙ୍କ ସଂଗଠନ ହେଉଛି ଫାଟୋ । ତୁର୍କୀ ଅଭିଯୋଗ କରିଛି ଯେ ଏହି ଗୋଷ୍ଠୀ ୨୦୧୬ରେ ଏର୍ଦୋଗନଙ୍କୁ ହଟାଇବାକୁ ଚେଷ୍ଟା କରିଥିଲା ।

ଏହା ବି ପଢ଼ନ୍ତୁ:-ପ୍ରତିଦିନ ପିଅନ୍ତୁ କାକୁଡି ପାଣି, ମିଳିବ ଏସବୁ ଜବରଦସ୍ତ ଲାଭ

ଏହା ବି ପଢ଼ନ୍ତୁ:-ଆର୍ଥିକ ସଙ୍କଟର ସାମ୍ନା କରୁଥିବା ପାକିସ୍ତାନକୁ ସହାୟତାର ହାତ ବଢ଼ାଇଲା ଏହି ଦେଶ, ଦେବ ୩୦୦ କୋଟି

ଏହା ବି ପଢ଼ନ୍ତୁ:-କଳିଙ୍ଗା ଘାଟିରେ ଓଲଟିଲା ବସ୍: ୬ ମୃତ, ୪୫ ଆହତ

 

ଫିନଲ୍ୟାଣ୍ଡ ଓ ସ୍ୱିଡେନର ପ୍ରତିକ୍ରିୟାରୁ ସଙ୍କେତ ମିଳୁଛି ଯେ ଏର୍ଦୋଗନଙ୍କ କଠୋର ଆଭିମୁଖ୍ୟ ସତ୍ତ୍ୱେ ସେମାନେ ନାଟୋରେ ଯୋଗଦେବା ଆଶା ଛାଡି ନାହାଁନ୍ତି । ସ୍ୱିଡେନର ବୈଦେଶିକ ମନ୍ତ୍ରୀ ମିକାଲ ଡେମବର୍ଗ କହିଛନ୍ତି ଯେ, ତାଙ୍କ ଦେଶ ଆତଙ୍କବାଦର ବନ୍ଧୁ ନୁହେଁ । ତେଣୁ ସୃଷ୍ଟି ହୋଇଥିବା ଅନିଶ୍ଚିତତା ଉପରେ ସ୍ୱିଡେନ ସ୍ପଷ୍ଟୀକରଣ ପ୍ରଦାନ କରିବ । ୟୁଏଇ ପରି ତାଙ୍କ ଦେଶ ମଧ୍ୟ PKK କୁ ଆତଙ୍କବାଦୀ ସଂଗଠନ ବୋଲି ମନେ କରୁଛି ।