ଜାପାନ ପ୍ରଧାନମନ୍ତ୍ରୀ ଆଗାମୀ ପାଞ୍ଚ ବର୍ଷ ମଧ୍ୟରେ ଭାରତରେ ୪୨ ଆରବ ଡଲାର ନିବେଶ କରିବା ନେଇ ମଧ୍ୟ ଘୋଷଣା କରିବେ ବୋଲି ସୂଚନା ମିଳିଛି । ମୋଦି-କିଶିଦାଙ୍କ ମଧ୍ୟରେ ୟୁକ୍ରେନ ପ୍ରସଙ୍ଗରେ ଚର୍ଚ୍ଚା ହେବା ନିଶ୍ଚିତ ।
Trending Photos
ନୂଆଦିଲ୍ଲୀ: ଜାପାନ ପ୍ରଧାନମନ୍ତ୍ରୀ ଫୁମିୟୋ କିଶିଦା ପ୍ରଶାନ୍ତ ମହାସାଗରୀୟ କ୍ଷେତ୍ରରେ ସୁରକ୍ଷା ସମ୍ପର୍କ ସୁଦୃଢ଼ କରିବା ଲକ୍ଷ୍ୟରେ ଶନିବାର ନୂଆଦିଲ୍ଲୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ସାକ୍ଷାତ କରିବେ । ଏହି ସମୟରେ ୟୁକ୍ରେନ ପ୍ରସଙ୍ଗରେ ଦୁଇ ଦେଶ ନିଜ ନିଜର ଆଭିମୁଖ୍ୟ ଏକD କରିବା ଦିଗରେ ମଧ୍ୟ ଚର୍ଚ୍ଚା କରିବେ । ଦୁଇ ଦିନିଆ ନୂଆଦିଲ୍ଲୀ ଗସ୍ତରେ ଆସିଥିବା ଜାପାନ ପ୍ରଧାନମନ୍ତ୍ରୀଙ୍କ ଏହି ଗସ୍ତ ଅନେକ ପ୍ରସଙ୍ଗରେ ବେଶ ଗୁରୁତ୍ୱପୂର୍ଣ୍ଣ ବୋଲି ଚର୍ଚ୍ଚା ହେଉଛି ।
ଜାପାନ ପ୍ରଧାନମନ୍ତ୍ରୀ (Japan Prime minister) ଆଗାମୀ ପାଞ୍ଚ ବର୍ଷ ମଧ୍ୟରେ ଭାରତରେ ୪୨ ଆରବ ଡଲାର ନିବେଶ କରିବା ନେଇ ମଧ୍ୟ ଘୋଷଣା କରିବେ ବୋଲି ସୂଚନା ମିଳିଛି । ମୋଦି-କିଶିଦାଙ୍କ ମଧ୍ୟରେ ୟୁକ୍ରେନ (Ukraine) ପ୍ରସଙ୍ଗରେ ଚର୍ଚ୍ଚା ହେବା ନିଶ୍ଚିତ । ଜାପାନ ପ୍ରଧାନମନ୍ତ୍ରୀ ଫୁମିୟୋ କିଶିଦା ପ୍ରଥମ ରାଷ୍ଟ୍ରାଧ୍ୟକ୍ଷ ଭାବେ ୨୦୨୨ରେ ଭାରତ ଗସ୍ତରେ ଆସିଛନ୍ତି ।
Also Read: ବିଦେଶରେ ଘର କିଣିବାକୁ ଚାହୁଁଛନ୍ତି କି? ଏହି ଦେଶରେ ଓଡିଶାଠୁ ବି ଶସ୍ତାରେ ମିଳୁଛି ଜମି-କୋଠା
ସୁରକ୍ଷା ସମ୍ପର୍କକୁ ନେଇ ଉଭୟ ଦେଶ ମଧ୍ୟରେ ଆଲୋଚନା ହେବ । ଇନଭେଷ୍ଟମେଣ୍ଟ ଓ ଆର୍ଥିକ ସହଯୋଗକୁ ନେଇ ଚର୍ଚ୍ଚା ହେବା ପରେ ଜାପାନ ପିଏମ୍ ୫ ଟ୍ରିଲିୟନ ୟେନ ବା ୪୨ ଆରବ ଡଲାର ଇନଭେଷ୍ଟମେଣ୍ଟ (Investment) ସମ୍ପର୍କରେ ଘୋଷଣା କରିବେ । ସେହିପରି ପବ୍ଲିକ-ପ୍ରାଇଭେଟ ପାର୍ଟନରସିପ (PPP) ମୋଡରେ ଜାପାନ କମ୍ପାନୀଗୁଡ଼ିକର ଭାରତରେ ବିସ୍ତାର ନେଇ ମଧ୍ୟ ଘୋଷଣା ହୋଇପାରେ ବୋଲି ଚର୍ଚ୍ଚା ହେଉଛି ।
Also Read: ମୋଦି ସରକାରଙ୍କୁ ଚେତାବନୀ ସହ ଏହି ଅନୁରୋଧ କଲେ ରାହୁଲ
ଏହା ପୂର୍ବରୁ ଜାପାନର ପୂର୍ବତନ ପ୍ରଧାନମନ୍ତ୍ରୀ ସିଞ୍ଜୋ ଆବେ (Shinzo Abe) ୨୦୧୪ ଭାରତ ଗସ୍ତ ସମୟରେ ୫ ବର୍ଷ ମଧ୍ୟରେ ନିବେଶ ଓ ବିତ୍ତପୋଷଣ ବାବଦରେ ୩.୫ ଟ୍ରିଲିୟନ ୟେନର ଘୋଷଣା କରିଥିଲେ । ଜାପାନ ଲଗାତାର ଭାବେ ଭାରତରେ ସହର ଗୁଡ଼ିକର ବିକାଶ ଓ ନିଜର ବୁଲେଟ ଟ୍ରେନ ପ୍ରୋଜେକ୍ଟ ସହ ହାଇସ୍ପିଡ୍ ଟ୍ରେନ ଚଳାଚଳକୁ ଫୋକସ ଦେଉଛି । ଶନିବାର ମୋଦି ଓ କିଶିଦା ୧୪ତମ ଭାରତ-ଜାପାନ ଶିଖର ବୈଠକରେ ସାମିଲ ହେବେ ।