ୟୁକ୍ରେନ ପରେ ବର୍ତ୍ତମାନ ଏହି ଦେଶକୁ ଆକ୍ରମଣ ପାଇଁ ପ୍ରସ୍ତୁତ ହେଉଛି ଋଷ, ବର୍ଡରକୁ ପଠାଇଲା ଭୟଙ୍କର ପରମାଣୁ କ୍ଷେପଣାସ୍ତ୍ର

ନୂଆଦିଲ୍ଲୀ: Russia-Ukraine War: ବିଗତ ଦିନରେ ୟୁରୋପର ୨ ଦେଶ ଫିନଲ୍ୟାଣ୍ଡ (Finland) ଓ ସ୍ୱୀଡେନ (Sweden) ନାଟୋ (NATO) ରେ ସାମିଲ ହେବାକୁ ଘୋଷଣା କରିଥିଲା । ଯାହା ପରେ ଋଷ ଏହାକୁ କଡ଼ା ବିରୋଧ କରିଛି । କାରଣ ଉଭୟ ଦେଶ ଋଷ (Russia) ର ସୀମାରେ ଲାଗିଛି । ବର୍ତ୍ତମାନ ଉଭୟ ଦେଶକୁ ଉଚିତ୍ ଶିକ୍ଷା ଦେବା ପାଇଁ ନିଷ୍ପତ୍ତି ନେଇଛି । ଋଷର ରାଷ୍ଟ୍ରପତି ଭ୍ଲାଦିମିର ପୁଟିନ (Russian President Vladimir Putin) ଙ୍କ ନିର୍ଦ୍ଦେଶରେ ଏହି ଦୁଇ ଦେଶର ସୀମାରେ ଭୟଙ୍କର ପରମାଣୁ କ୍ଷେପଣାସ୍ତ୍ର (Nuclear Missiles) ମୁତୟନ କାର୍ଯ୍ୟ ଆରମ୍ଭ ହୋଇଛି ।  ରାସ୍ତାରେ ପରମାଣୁ ବୋମା ନେବା ପାଇଁ ସକ୍ଷମ ଇସ୍କନ୍ଦର ମିସାଇଲ (Iskander Missiles) କୁ ଫିନଲ୍ୟାଣ୍ଡ ସୀମା ଆଡ଼କୁ ଯାଉଥିବାର ଦେଖିବାକୁ ମିଳିଛି । ଏପରି କରିବା ପଛରେ ନାଟୋ ବିସ୍ତାରକୁ ରୋକିବା ପାଇଁ ଋଷ ଯେକୌଣସି ସ୍ତରକୁ ଯାଇପାରେ ବୋଲି ସଙ୍କେତ ଦିଆଯାଉଛି । ଏହାସହ ଋଷ ଧମକ ଦେଇଛି ଯେ ୧୦ ସେକେଣ୍ଡରେ ଫିନଲ୍ୟାଣ୍ଡ ସଫା ହୋଇଯିବ ।

ପୁଟିନ ଚେତାବନୀ ଦେଇଥିଲେ ଯେ, ନାଟୋ ଦେଶଗୁଡ଼ିକର ମେଣ୍ଟରେ ସାମିଲ ହେବା ସେମାନଙ୍କ ସବୁଠାରୁ ବଡ଼ ଭୁଲ ହେବ । କିନ୍ତୁ ଉଭୟ ଦେଶ ଏହି ଚେତାବନୀକୁ ଅଣଦେଖା କରି ନିଜର ପାରମ୍ପାରିକ ନିରପେକ୍ଷତା ନୀତିକୁ ଛାଡ଼ି ନାଟୋରେ ସାମିଲ ହେବା ପାଇଁ ନିଷ୍ପତ୍ତି ନେଇଛନ୍ତି । ଏଭଳି ପରିସ୍ଥିତିରେ ପୁଟିନ ଏକ ବଡ଼ ପଦକ୍ଷେପ ନେଇପାରନ୍ତି ବୋଲି ମନେ କରାଯାଉଛି । ମସ୍କୋ ସ୍ପଷ୍ଟ କରିଛି ଯେ, ଯଦି ଫିନଲ୍ୟାଣ୍ଡ ନାଟୋରେ ଯୋଗ ଦିଏ, ତେବେ ଏହାର ଭୟଙ୍କର ପରିଣାମ ଭୋଗିବାକୁ ପ୍ରସ୍ତୁତ ରହୁ । ଋଷ କହିଛି ଯେ, ସେ କେବଳ ୧୦ ସେକେଣ୍ଡରେ ଫିନଲ୍ୟାଣ୍ଡକୁ ଦୁନିଆରୁ ପୋଛି ଦେଇପାରିବ ।

ଦ ସନ୍ ରିପୋର୍ଟ ଅନୁଯାୟୀ, ଋଷର ଘାତକ ପରମାଣୁ ବୋମା ପରିବହନ କରୁଥିବା ଇସ୍କନ୍ଦର କ୍ଷେପଣାସ୍ତ୍ରର ଏକ ଗୁଚ୍ଛା ଭ୍ୟୋବର୍ଗ ଆଡକୁ ଯାଉଥିବାର ଦେଖିବାକୁ ମିଳିଛି । ଫିନଲ୍ୟାଣ୍ଡ ସୀମାଠାରୁ ମାତ୍ର ୨୪ କିଲୋମିଟର ଦୂରରେ ଅବସ୍ଥିତ ଋଷର ଏହା ହେଉଛି ଶେଷ ସହର । ଫିନଲ୍ୟାଣ୍ଡ ଓ ସ୍ୱିଡେନକୁ ଶିକ୍ଷା ଦେବା ପାଇଁ ଋଷ ଶୀଘ୍ର ନୂତନ ସାମରିକ ୟୁନିଟ୍ ଗଠନ କରିବାକୁ ଯାଉଛି । ଏଥିପାଇଁ ଇସ୍କନ୍ଦର କ୍ଷେପଣାସ୍ତ୍ରର ଏକ ପୁରା ଗୁଚ୍ଛା  ଭ୍ୟୋବର୍ଗକୁ ପଠାଯାଉଛି । ଏହି କ୍ଷେପଣାସ୍ତ୍ରଗୁଡିକ ସ୍ୱଳ୍ପ ଦୂରଗାମୀ ଟାର୍ଗେଟକୁ ମାରିବା ଓ ନାଟୋ ବାହିନୀକୁ ପ୍ରତିହତ କରିବା ପାଇଁ ତିଆରି କରାଯାଇଛି ।

ଏହା ବି ପଢ଼ନ୍ତୁ:-ଏସବୁ ଦେଶରେ ରହିଛି ଭାରତର ମିଲିଟ୍ରୀ ବେସ୍, ଦେଖନ୍ତୁ ପୁରା ତାଲିକା

ଏହା ବି ପଢ଼ନ୍ତୁ:-ୟୁକ୍ରେନ ଯୁଦ୍ଧରେ ନିଜର ଆହତ ସୈନ୍ୟଙ୍କୁ ଗୁଳି କରି ହତ୍ୟା କରୁଛି ଋଷ! ସାମ୍ନାକୁ ଆସିଲା ଚାଞ୍ଚଲ୍ୟକର ତଥ୍ୟ

ଚଳିତ ବର୍ଷ ଫେବୃଆରୀ ୨୪ରେ ଆରମ୍ଭ ହୋଇଥିବା ୟୁକ୍ରେନ ଯୁଦ୍ଧରେ ଏହା ଋଷର ମୁଖ୍ୟ ଅସ୍ତ୍ର । ଏହି ସ୍ୱଳ୍ପ ଦୂରଗାମୀ ବାଲିଷ୍ଟିକ୍ କ୍ଷେପଣାସ୍ତ୍ରଗୁଡିକ ପରମାଣୁ ୱାରହେଡ୍ କିମ୍ବା ପାରମ୍ପାରିକ ବିସ୍ଫୋରକ ପରିବହନ ପାଇଁ ମଧ୍ୟ ବ୍ୟବହାର କରାଯାଇପାରିବ । ଏହି କ୍ଷେପଣାସ୍ତ୍ରର ପରିସର ହେଉଛି  ୩୧୦ କିଲୋମିଟର । ଇସ୍କନ୍ଦର ମିସାଇଲକୁ ବଙ୍କର-ବଷ୍ଟିଂ ଓ ଆଣ୍ଟି-ରାଡାର ମିଶନ ପାଇଁ ମୁତୟନ କରାଯାଇଥାଏ ।