ଫିକ୍ସଡ୍ ଡିପୋଜିଟ୍ କରିଥିବା ଲୋକଙ୍କ ପାଇଁ ଜରୁରୀ ଖବର, RBI ବଦଳାଇଲା ଏହି ନିୟମ

ନୂଆଦିଲ୍ଲୀ: FD Rules Changed: ଯଦି ଆପଣ ଫିକ୍ସଡ ଡିପୋଜିଟରେ ଟଙ୍କା ରଖିଛନ୍ତି, ତେବେ ଆପଣଙ୍କ ପାଇଁ କାମ ଖବର ଅଛି । ବର୍ତ୍ତମାନ ଆପଣଙ୍କୁ FD କରିବା ପୂର୍ବରୁ ଟିକିଏ ବୁଦ୍ଧିମାନ ଭାବରେ କାର୍ଯ୍ୟ କରିବାକୁ ପଡିବ । ବାସ୍ତବରେ ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ (RBI) ଫିକ୍ସଡ୍ ଡିପୋଜିଟ (FD) ନିୟମକୁ ପରିବର୍ତ୍ତନ କରିଛି । ଯଦି ଆପଣ ଏହି ନିୟମ ଜାଣି ନାହାଁନ୍ତି ତେବେ ଆପଣଙ୍କୁ କ୍ଷତି ସହିବାକୁ ପଡିପାରେ ।

FD ର ମ୍ୟାଚ୍ୟୋରିଟିକୁ ନେଇ ବଦଳିଲା ନିୟମ

ବାସ୍ତବରେ, ଆରବିଆଇ ଫିକ୍ସଡ୍ ଡିପୋଜିଟ (FD) ର ନିୟମରେ ଏକ ବଡ଼ ପରିବର୍ତ୍ତନ କରିଛି । ବର୍ତ୍ତମାନ ମ୍ୟାଚ୍ୟୋରିଟି ପରେ ଯଦି ଆପଣ ଏହି ରାଶିକୁ କ୍ଲେମ୍ କରନ୍ତି ନାହିଁ, ତେବେ ଆପଣ ଏଥିରେ କମ୍ ସୁଧ ପାଇବେ । ଏହି ସୁଧ ସଞ୍ଚୟ ଆକାଉଣ୍ଟ ଉପରେ ମିଳୁଥିବା ସୁଧ ସହିତ ସମାନ ହେବ । ସମ୍ପ୍ରତି, ବ୍ୟାଙ୍କଗୁଡିକ ସାଧାରଣତ ୫ରୁ ୧୦ ବର୍ଷର ଲମ୍ୱା ଅବଧି ଥିବା FD ଉପରେ ୫ ପ୍ରତିଶତରୁ ଅଧିକ ସୁଧ ପ୍ରଦାନ କରନ୍ତି । ଅନ୍ୟପଟେ ସଞ୍ଚୟ ଆକାଉଣ୍ଟରେ ସୁଧ ହାର ପ୍ରାୟ ୩ରୁ ୪ ପ୍ରତିଶତ ଅଟେ ।

ଏହି ନିର୍ଦ୍ଦେଶ ଜାରି କରିଛି RBI

RBI ଦ୍ୱାରା ଜାରି କରାଯାଇଥିବା ଏକ ସର୍କୁଲାରରେ କୁହାଯାଇଛି ଯେ, ଯଦି ଫିକ୍ସଡ୍ ଡିପୋଜିଟ ଜମା ପରିପକ୍ୱ ହେବା ପରେ ଯଦି ଆପଣଙ୍କୁ ରାଶି ପ୍ରଦାନ କରାଯାଏ ନାହିଁ କିମ୍ବା କ୍ଲେମ୍ କରାଯାଏ ନାହିଁ, ତେବେ ସେଭିଂ ଆକାଉଣ୍ଟ ଅନୁଯାୟୀ ସୁଧ ହାର ମିଳିବ । ଏହି ନୂତନ ନିୟମ ସମସ୍ତ ବାଣିଜ୍ୟିକ ବ୍ୟାଙ୍କ, କ୍ଷୁଦ୍ର ଫାଇନାନ୍ସ ବ୍ୟାଙ୍କ, ସମବାୟ ବ୍ୟାଙ୍କ, ସ୍ଥାନୀୟ ଆଞ୍ଚଳିକ ବ୍ୟାଙ୍କରେ ଜମା ଉପରେ ପ୍ରଯୁଜ୍ୟ ହେବ  ।

ଜାଣନ୍ତୁ କ'ଣ କହେ ନିୟମ

ଏହାକୁ ଏପରି ଭାବରେ ବୁଝନ୍ତୁ, ଧରାଯାଉ ଆପଣ ୫ ବର୍ଷର ମ୍ୟାଚ୍ୟୋରିଟିର ଏକ FD କରିଛନ୍ତି, ଯାହା ଆଜି ମ୍ୟାଚ୍ୟୋର ହୋଇଛି । କିନ୍ତୁ ଆପଣ ଏହି ଟଙ୍କା ଉଠାଇ ନାହାଁନ୍ତି, ତେବେ ଏହା ଉପରେ ଦୁଇଟି ପରିସ୍ଥିତି ଆସିବ । ଯଦି FD ରେ ପ୍ରାପ୍ତ ସୁଧ ସେହି ବ୍ୟାଙ୍କର ସେଭିଂ ଆକାଉଣ୍ଟ ଉପରେ ମିଳୁଥିବା ସୁଧଠାରୁ କମ୍, ତେବେ ଆପଣ FD ଉପରେ ସୁଧ ପାଇବା ଜାରି ରଖିବେ । ଯଦି FD ରେ ମିଳୁଥିବା ସୁଧ ସେଭିଂ ଆକାଉଣ୍ଟରେ ମିଳୁଥିବା ସୁଧଠାରୁ ଅଧିକ, ତେବେ ମ୍ୟାଚ୍ୟୋରିଟି ପରେ ଆପଣଙ୍କୁ ସେଭିଂ ଆକାଉଣ୍ଟ ଉପରେ ମିଳୁଥିବା ସୁଧ ମିଳିବ ।

ଏହା ଥିଲା ପୁରୁଣା ନିୟମ

ଏହାପୂର୍ବରୁ, ଯେତେବେଳେ ଆପଣଙ୍କର FD ପରିପକ୍ୱ ହୋଇଯାଉଥିଲା ଓ ଯଦି ଆପଣ ଏହାକୁ ଉଠାଉ ନଥିଲେ କିମ୍ବା କ୍ଲେମ୍ କରୁ ନଥିଲେ । ତେବେ ବ୍ୟାଙ୍କ ସେହି ଅବଧି ପାଇଁ ଆପଣଙ୍କର FD କୁ ବଢାଇ ଦେଉଥିଲା, ଯେଉଁ ଅବଧି ପର୍ଯ୍ୟନ୍ତ ଆପଣ ପୂର୍ବରୁ FD କରିଥିଲେ । କିନ୍ତୁ ବର୍ତ୍ତମାନ ତାହା ଘଟିବ ନାହିଁ । ଏହାସହ ବର୍ତ୍ତମାନ ଯଦି ପରିପକ୍ୱତା ଉପରେ ଟଙ୍କା ଉଠା ନଯାଏ, ତେବେ ଏଥିରେ FD ସୁଧ ଉପଲବ୍ଧ ହେବ ନାହିଁ । ତେଣୁ ପରିପକ୍ୱତା ପରେ ତୁରନ୍ତ ଟଙ୍କା ଉଠାଇଲେ ଏହା ଭଲ ହେବ ।

ଅଧିକ ପଢ଼ନ୍ତୁ:-କୋରୋନା ମାମଲାରେ ଆସିଲା ଗୁଡ୍ ନ୍ୟୁଜ୍!

ଅଧିକ ପଢ଼ନ୍ତୁ:-ଜାରି ହେଲା ଆଜିର ଡିଜେଲ-ପେଟ୍ରୋଲର ନୂଆ ଦାମ୍, ଚେକ୍ କରନ୍ତୁ ଆପଣଙ୍କ ସହରରେ କ'ଣ ରହିଛି ରେଟ୍

ଅଧିକ ପଢ଼ନ୍ତୁ:-ଆଫଗାନିସ୍ତାନ ପ୍ରସଙ୍ଗରେ ଯେକୌଣସି ପ୍ରକାରର ଚ୍ୟାଲେଞ୍ଜର ମୁକାବିଲା କରିବାକୁ ଋଷ ପାଖରେ ରହିଛି ଏସବୁ ବିକଳ୍ପ