ଡାକ୍ତରମାନେ କଲେ ଚମତ୍କାର; ଘୁଷୁରୀ କିଡ଼ନୀକୁ ମାନବ ଶରୀରରେ କଲେ ସଫଳ ପ୍ରତିରୋପଣ

ନ୍ୟୁୟର୍କ: ଡାକ୍ତରୀ ବିଜ୍ଞାନର (Medical science) ଦୁନିଆ ଏତେ ବିସ୍ତୃତ ହୋଇସାରିଛି ଯେ ଡାକ୍ତରମାନେ କ୍ରମାଗତ ଭାବରେ ନୂତନ ଗବେଷଣା କରୁଛନ୍ତି । ଏହି ପର୍ଯ୍ୟାୟରେ, ଆମେରିକାର (America ) ଡାକ୍ତରମାନେ ଏକ ସମ୍ବେଦନଶୀଳ ଅସ୍ତ୍ରୋପଚାର କରି ଘୁଷୁରୀ କିଡନୀକୁ ମାନବ ଶରୀରରେ ପ୍ରତିରୋପଣ (Pig’s kidney to human body) କରିଛନ୍ତି । ଖବର ଅନୁଯାୟୀ ଡାକ୍ତରମାନେ ମଧ୍ୟ ଏଥିରେ ସଫଳତା ପାଇଛନ୍ତି । କୁହାଯାଇଛି ଯେ ଘୁଷୁରୀ କିଡନୀ (Kidney) ମାନବ ଶରୀରରେ ମଧ୍ୟ ଭଲ କାମ କରୁଛି ।

ବାସ୍ତବରେ, ଏହି ମାମଲା ଆମେରିକାର ନ୍ୟୁୟର୍କରୁ ଆସିଛି । ରଏଟର୍ସ ରିପୋର୍ଟ ଅନୁଯାୟୀ, ନ୍ୟୁୟର୍କ ସହରରେ ଅବସ୍ଥିତ NYU ଲାଙ୍ଗେନ୍ ସ୍ୱାସ୍ଥ୍ୟ କେନ୍ଦ୍ର (NYU) ର ଏକ ବିଶେଷଜ୍ଞ ଡାକ୍ତରି ଟିମ୍ ଏହି ଅସ୍ତ୍ରୋପଚାର କରିଛନ୍ତି । ଏହି ଅସ୍ତ୍ରୋପଚାର ଅତି ପର୍ଯ୍ୟାୟକ୍ରମେ କରାଯାଇଛି ଓ ଏହାର ପ୍ରସ୍ତୁତି ମଧ୍ୟ ଏକ ଦୃଢ଼ ଢ଼ଙ୍ଗରେ କରାଯାଇଛି । କିଡନୀ ପ୍ରତିରୋପଣ ପୂର୍ବରୁ ଘୁଷୁରୀର ଜିନ୍ ପରିବର୍ତ୍ତନ କରାଯାଇଥିଲା । ଯାହା ଦ୍ୱାରା ମାନବ ଶରୀର ତୁରନ୍ତ ଅଙ୍ଗକୁ ପ୍ରତ୍ୟାଖ୍ୟାନ କରିପାରିବ ନାହିଁ ।

ରିପୋର୍ଟ ଅନୁଯାୟୀ, ଏହି ଟ୍ରାନ୍ସପ୍ଲାଣ୍ଟ ପ୍ରଣାଳୀ ଡେଡ଼ ବ୍ରେନ ରୋଗୀଙ୍କ ଉପରେ କରାଯାଇଥିଲା । ରୋଗୀର କିଡନୀ ମଧ୍ୟ କାମ କରିବା ବନ୍ଦ କରିଦେଇଥିଲା, କିନ୍ତୁ ତାଙ୍କୁ ଲାଇଫ ସପୋର୍ଟ ଠାରୁ ହଟାଇବା ପୂର୍ବରୁ ଡାକ୍ତରମାନେ ଏହି ପରୀକ୍ଷା ପାଇଁ ସେମାନଙ୍କ ପରିବାରଠାରୁ ଅନୁମତି ମାଗିଥିଲେ, ଯାହା ପରେ ସେମାନେ ଏହି ପରୀକ୍ଷା କରିଥିଲେ । ତିନି ଦିନ ଧରି, ଘୁଷୁରୀ କିଡନୀ ଡେଡ଼ ବ୍ରେନ ରୋଗୀର ରକ୍ତବାହୀ ସହିତ ସଂଲଗ୍ନ କରାଯାଇଥିଲା । କିଡନୀକୁ ଶରୀରର ବାହାରେ ରଖାଯାଇଥିଲା ।

ଏହା ବି ପଢ଼ନ୍ତୁ: ବାଥରୁମରେ ଲୁଚି କାନ୍ଦିଥାନ୍ତି ଏହି ଦେଶର ରାଷ୍ଟ୍ରପତି, ସମର୍ଥକଙ୍କ ସାମ୍ନାରେ କଲେ ସ୍ୱୀକାର

ଟ୍ରାନ୍ସପ୍ଲାଣ୍ଟର ଏହି ସମ୍ପୂର୍ଣ୍ଣ ପ୍ରକ୍ରିୟାକୁ ଡାକ୍ତରମାନେ ସାଧାରଣ ବୋଲି କହିଛନ୍ତି । ଏହା ପ୍ରଥମ ଥର ଯେତେବେଳେ ଅନ୍ୟ କୌଣସି ପ୍ରାଣୀର କିଡନୀକୁ (Animal organs) ସଫଳତାର ସହ ମାନବ ଶରୀରରେ ପ୍ରତିରୋପଣ କରଯାଇଛି । ଯଦିଓ ଏହା ପୂର୍ବରୁ ଅନେକ ପରୀକ୍ଷା କରାଯାଇଛି, କିନ୍ତୁ ପ୍ରତ୍ୟେକ ଥର ପ୍ରତିରୋପଣ ବିଫଳ ହୋଇଥିଲା । ଆମେରିକୀୟ ଡାକ୍ତରଙ୍କ ଏହି ସଫଳତା କିଡନୀ ପ୍ରତିରୋପଣ ଦିଗରେ ଏକ ସହାୟକ ହୋଇପାରେ ।

ଏହା ବି ପଢ଼ନ୍ତୁ: କୋହଲିଙ୍କ ପରେ ଏହି ଖେଳାଳି ହେବେ ଟିମ ଇଣ୍ଡିଆର ନୂତନ ଅଧିନାୟକ; T20 ବିଶ୍ୱକପ ପରେ ହେବ ଘୋଷଣା

ଏହି ରିପୋର୍ଟରେ ଉଲ୍ଲେଖ କରାଯାଇଛି ଯେ କିଡନୀ ପ୍ରତିରୋପଣ ପାଇଁ ହାରାହାରି 3 ରୁ 5 ବର୍ଷ ସମୟ ଅପେକ୍ଷା କରିବାକୁ ପଡେ । ଏହି ରିପୋର୍ଟରେ ଏକ ସର୍ଭେରୁ ଜଣାପଡିଛି ଯେ ବିଶ୍ୱରେ ଏକ ଲକ୍ଷରୁ ଅଧିକ ଲୋକ ଅଙ୍ଗ ପ୍ରତିରୋପଣ ପାଇଁ ଅପେକ୍ଷା କରିଛନ୍ତି । ଏଥିରେ ମଧ୍ୟ ପ୍ରାୟ 90 ହଜାର ଏପରି ଲୋକ ଅଛନ୍ତି, ଯେଉଁମାନେ କେବଳ କିଡନୀ ପ୍ରତିରୋପଣ ଚାହୁଁଛନ୍ତି ।