Eye Drop: ଭାରତରେ ନିର୍ମିତ ଆଇ ଡ୍ରପ୍ ପାଇଁ ଆମେରିକାରେ ମୃତ୍ୟୁ ତାଣ୍ଡବ, ସାବଧାନ ଆପଣ ବ୍ୟବହାର କରୁନାହାଁନ୍ତି ତ !

Eye Drop: ଭାରତରେ କଫସିରପ ତିଆରି କରୁଥିବା କମ୍ପାନୀ ପରେ ଏବେ ଆଇ ଡ୍ରପ ବା ଆଖିରେ ପକାଯାଉଥିବା ଔଷଧ କମ୍ପାନୀ ମାନେ ଏବେ ପ୍ରଶ୍ନ ଘେରରେ । ଏଥର ଭାରତୀୟ ଫାର୍ମା କମ୍ପାନୀ ତିଆରି କରୁଥିବା ପ୍ରଡକ୍ଟରେ କିଛି ଗଡବଡ଼ ଥିବା ଅଭିଯୋଗ ଆମେରିକାରୁ ଆସୁଛି। ଆମେରିକା ଫୁଡ୍ ଆଣ୍ଡ ଡ୍ରଗ ଆଡମିନିଷ୍ଟ୍ରେସନ (FDA) ଭାରତରେ ତିଆରି ହେଉଥିବା ଆର୍ଟିଫିସିଆଲ ଟିୟର୍ସରୁ ବ୍ୟାକ୍ଟେରିଆଲ ଇନଫେକସନ ର ବିପଦ ବଢିପାରେ।  FDA EzriCare କୃତିମ ଲୁହ କରୁଥିବା ଡ୍ରପ୍ (Artificial Tears) ବା Delsam ଫାର୍ମା ଉପରେ Artificial Tears ର ବ୍ୟବହାର ଉପରେ ରୋକ୍ ଲଗାଇଛି।

ପ୍ରଥମେ ଜାଣିରଖନ୍ତୁ ଯେ, ଆର୍ଟିଫିସିଆଲ ଟିୟର୍ସ କଣ ହୋଇଥାଏ । ଆର୍ଟିଫିସିଆଲ ଟିୟର୍ସ ଏମିତି ଏକ ଆଇ ଡ୍ରପ୍ ହୋଇଥାଏ ଯାହା ଆଖି ପୋଡ଼ିବା ଓ ଡ୍ରାଏନେସକୁ ଦୂର କରିଥାଏ। ଆମେରିକାର ଏକ ସମ୍ଭାବ୍ୟ ବିପଦ ବୋଲି ବର୍ଣ୍ଣିତ କୃତ୍ରିମ ଲୁହ, ଭାରତର ଗ୍ଲୋବାଲ୍ ଫାର୍ମା ହେଲଥ କେୟାର ପ୍ରାଇଭେଟ ଲିମିଟେଡ୍ କମ୍ପାନୀ ଦ୍ୱାରା ନିର୍ମିତ । ଏହି କମ୍ପାନୀର କାର୍ଯ୍ୟାଳୟ ତାମିଲନାଡୁ ରାଜ୍ୟରେ ଅଛି । ଗ୍ଲୋବାଲ ଫାର୍ମା ହେଲଥ କେୟାରର ଆଖି ବୁନ୍ଦା ଏଜ୍ରିକେୟାର EzriCare ଏବଂ ଡେଲସାମ ଫାର୍ମା ନାମକ କମ୍ପାନୀ ଦ୍ୱାରା ବିକ୍ରି ହୁଏ ।

FDA କଣ କହିଛି
FDA ଏହି କମ୍ପାନୀର (Eye Drops) ବ୍ୟବହାର ଦ୍ୱାରା ଆଖିରେ ଇନଫେକସନ୍ ବଢିବାର ବିପଦ ଅଧିକ ରହିଛି। ଯାହାଦ୍ୱାରା ଆଖିର ଦୃଷ୍ଟିଶକ୍ତି ପଳାଇଯାଇପାରେ ଯାହା ଫଳରେ ମୃତ୍ୟୁ ମଧ୍ୟ ହୋଇପାରେ । ଏହା ମଧ୍ୟ କୁହାଯାଇଛି ଯେ, ଏହି ଆଇ ଡ୍ରପ୍ ବ୍ୟବହାର କରିଥିବା ରୋଗୀଙ୍କୁ ଯଦି କୌଣସି ପ୍ରକାରର ଲକ୍ଷଣ ଦେଖାଦିଏ ତେବେ ସେମାନେ ଯଥାଶୀଘ୍ର ଡାକ୍ତରଙ୍କ ପରାମର୍ଶ ନେବା ଉଚିତ୍ । 

FDA ଅନୁଯାୟୀ, ରୋଗ ନିୟନ୍ତ୍ରଣ ଏବଂ ପ୍ରତିରୋଧ କେନ୍ଦ୍ର (ସିଡିସି) ଜାନୁୟାରୀ ୩୧, ୨୦୨୩ ସୁଦ୍ଧା ୫୫ ଟି ଏହିପରି ଇନଫେକସନ ମାମଲା ଚିହ୍ନଟ କରିଛି। ଏହି ପରିସ୍ଥିତିରେ, EzriCare Artificial Tears ବ୍ୟବହାର ସାମ୍ନାକୁ ଆସିଛି ।  ଜଡିତ ପ୍ରତିକୂଳ ଘଟଣାଗୁଡ଼ିକରେ ଆଖି ସଂକ୍ରମଣ ଏବଂ ଗୋଟିଏ ମୃତ୍ୟୁ ଅନ୍ତର୍ଭୁକ୍ତ ରହିଛି। ଏପରିକି ଲୋକଙ୍କ ଦୃଷ୍ଟି ଶକ୍ତି ମଧ୍ୟ ଚାଲିଯାଇଥିବା ଅଭିଯୋଗ ହୋଇଛି। FDA କହିଛି ଯେ କମ୍ପାନୀ ଔଷଧ ଉତ୍ପାଦନରେ ପାଳନ କରାଯିବାକୁ ଥିବା ମାନକ ପ୍ରଣାଳୀକୁ ଅନୁସରଣ କରିନାହିଁ। ଏଥିରେ, ମାଇକ୍ରୋବାୟଲ୍ ପରୀକ୍ଷଣର ଅଭାବ, ସୂତ୍ର ସହିତ ଜଡିତ ସମସ୍ୟାଗୁଡିକ ଉଲ୍ଲେଖ କରାଯାଇଛି । 

କମ୍ପାନୀ ଏ ଅଭିଯୋଗ ଉପରେ କ'ଣ କହିଛି
ଗ୍ଲୋବାଲ୍ ଫାର୍ମା (Global Pharma) ଏହାର ଅବଶିଷ୍ଟ ଅନେକ ଆଇ ଡ୍ରପକୁ ପୁନଃ ଫେରାଇ ନେଉଛି। କମ୍ପାନୀ ଏହାର ୱେବସାଇଟରେ ପୋଷ୍ଟ କରିଛି ଯେ ହୋଲସେଲର, ଖୁଚୁରା ବ୍ୟବସାୟୀ ଏବଂ ଗ୍ରାହକଙ୍କ ପାଖରେ ଯେଉଁ ଉତ୍ପାଦଗୁଡିକ ପ୍ରତ୍ୟାହାର ହୋଇଛି ସେମାନେ ତୁରନ୍ତ ବ୍ୟବହାର ବନ୍ଦ କରିବା ଉଚିତ୍। ଆମେରିକା କର୍ତ୍ତୃପକ୍ଷଙ୍କ ସହ ଏହ ଘନିଷ୍ଠ ଭାବରେ କାର୍ଯ୍ୟ କରୁଛି ବୋଲି କମ୍ପାନୀ କହିଛି। ତେବେ ପରିସ୍ଥିତି ଉପରେ ନଜର ରଖିଛି କମ୍ପାନୀ।

Also Read: Urine Colour: ପରିସ୍ରାର ରଙ୍ଗରୁ ଜଣାପଡ଼େ ଆପଣଙ୍କ ସ୍ବାସ୍ଥ୍ୟବସ୍ଥା, ଜାଣନ୍ତୁ ପ୍ରତ୍ୟକ ରଙ୍ଗର କ'ଣ ରହିଛି ରହସ୍ୟ?

Also Read: Best Age To Have Baby: ସନ୍ତାନ ଜନ୍ମ କରିବା ପାଇଁ ସଠିକ୍ ବୟସ କ'ଣ? ଅଧିକାଂଶ ଲୋକ କନଫୁଜ୍, ଜାଣନ୍ତୁ କ'ଣ କହୁଛି ବିଜ୍ଞାନ