6G କୁ ନେଇ ଆସିଲା ବଡ ଅପଡେଟ୍, ପିଏମ ମୋଦି କହିଲେ କେବେ ହେବ ଭାରତରେ ଲଞ୍ଚ?

6G Services In India: ଚଳିତ ମାସ ଆରମ୍ଭରେ 5G ସ୍ପେକ୍ଟ୍ରମ୍ ନିଲାମର (5G Spectrum Auction) ସଫଳ ସମାପ୍ତି ସହିତ ଭାରତ ଏହାର ସେବା ଶୁଭାରମ୍ଭକୁ ଅପେକ୍ଷା କରିଛି । କେନ୍ଦ୍ର ଟେଲିକମ୍ ମନ୍ତ୍ରୀ ଅଶ୍ୱିନୀ ବୈଷ୍ଣବ (Ashwini vaishnav) ଗୁରୁବାର ଦିନ କହିଛନ୍ତି ଯେ ଅକ୍ଟୋବର ୧୨ ସୁଦ୍ଧା 5G ସେବା ଆରମ୍ଭ ହେବ । ଏହି ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି (Narendra Modi) ଦେଶ ପାଇଁ 6G ଯୋଜନା ଉପରେ ଏକ ବଡ ଅପଡେଟ୍ ଦେଇଛନ୍ତି ।

6G ଉପରେ ଏହା ରହିଛି ସରକାରଙ୍କ ପ୍ଲାନ
ଭାରତରେ 5G ସେବା ଆରମ୍ଭ କରିବାକୁ ଏକ ମାସରୁ ଅଧିକ ସମୟ ବିତିଯାଇଥିଲେ ମଧ୍ୟ ଗୁରୁବାର ଦିନ ପ୍ରଧାନମନ୍ତ୍ରୀ ମୋଦି ଘୋଷଣା କରିଛନ୍ତି ଯେ ଦେଶରେ 6G ସେବା ଆରମ୍ଭ କରିବାକୁ କେନ୍ଦ୍ର ସରକାର ପ୍ରସ୍ତୁତ ହେଉଛନ୍ତି । ସ୍ମାର୍ଟ ଇଣ୍ଡିଆ ହାକାଥନ୍ ୨୦୨୨ ର ଗ୍ରାଣ୍ଡ୍ ଫାଇନାଲ୍କୁ ସମ୍ବୋଧିତ କରିବାବେଳେ ପିଏମ୍ ମୋଦି ସେୟାର କରିଛନ୍ତି ଯେ ଏହି ଦଶନ୍ଧିର ଶେଷ ସୁଦ୍ଧା 6G କାର୍ଯ୍ୟ ହୋଇପାରିବ ।

କେବେ ଆରମ୍ଭ ହେବ 6G ସେବା?
ଆହୁରି ମଧ୍ୟ ପ୍ରଧାନମନ୍ତ୍ରୀ କହିଛନ୍ତି ଯେ, 'ଏହି ଦଶନ୍ଧି ଶେଷ ସୁଦ୍ଧା ଆମେ 6G ଲଞ୍ଚ କରିବାକୁ ପ୍ରସ୍ତୁତ ହେଉଛୁ । ଖେଳ ଓ ମନୋରଞ୍ଜନ କ୍ଷେତ୍ରରେ ଆମେ ଭାରତୀୟ ସମାଧାନକୁ ପ୍ରୋତ୍ସାହିତ କରୁଛୁ । ଭାରତ ସରକାର ଯେପରି ଟେକ୍ନୋଲୋଜିରେ ନିବେଶ କରୁଛନ୍ତି, ପ୍ରତ୍ୟେକ ଯୁବକ ଏହାର ଫାଇଦା ନେବା ଉଚିତ୍ । ପ୍ରଧାନମନ୍ତ୍ରୀ ଯୁବକମାନଙ୍କୁ ପ୍ରତ୍ୟେକ ଗ୍ରାମରେ ଅପ୍ଟିକାଲ୍ ଫାଇବରର ସମ୍ପୂର୍ଣ୍ଣ ଫାଇଦା ଉଠାଇବାକୁ, 5G ସେବା ପ୍ରବର୍ତ୍ତନ ଓ ଗେମିଙ୍ଗ ଇକୋସିଷ୍ଟମକୁ ପ୍ରୋତ୍ସାହିତ କରିବାକୁ କହିଥିଲେ ।

ପ୍ରଧାନମନ୍ତ୍ରୀ କହିଛନ୍ତି, 'ଗତ ୭ ରୁ ୮ ବର୍ଷ ମଧ୍ୟରେ ଗୋଟିଏ ପରେ ଗୋଟିଏ ବିପ୍ଳବ ମାଧ୍ୟମରେ ଭାରତ ଦ୍ରୁତ ଗତିରେ ଆଗକୁ ବଢୁଛି । ଆଜି ଏଠାରେ ଏକ ଡିଜିଟାଲ୍ ଓ ପ୍ରତିଭା ବିପ୍ଳବ ଘଟୁଛି । ଆକାଂକ୍ଷା ଓ ଆହ୍ୱାନ ଦେଶର ଯୁବ ଉଦ୍ଭାବକମାନଙ୍କ ପାଇଁ ଅନେକ ସୁଯୋଗ ଆଣିବ ।

ବର୍ତ୍ତମାନ 5G ସେବା ଦେଶର 13 ଟି ସହରରେ ଅକ୍ଟୋବର ସୁଦ୍ଧା ଆରମ୍ଭ ହୋଇପାରିବ । ଏହା ସହିତ 5G ସେବା ଅର୍ଥନୈତିକ ହେବ ବୋଲି କେନ୍ଦ୍ର ମନ୍ତ୍ରୀ ଆଶା ପ୍ରକଟ କରିଛନ୍ତି । ଟେଲିକମ୍ ଭିତ୍ତିଭୂମିର ଶୀଘ୍ର ବିସ୍ତାରକୁ ସୁଗମ କରିବା ପାଇଁ 5G ରାଇଟ୍ ଅଫ୍ ୱେ ଆପ୍ଲିକେସନ୍ ପୋର୍ଟାଲ୍ ଉପସ୍ଥାପନ କରିବାବେଳେ ବୈଷ୍ଣବ ଏହା କହିଛନ୍ତି । ସେ କହିଛନ୍ତି ଯେ ଶସ୍ତା ମୋବାଇଲ୍ ସେବା ଯୋଗାଉଥିବା ଦେଶ ମଧ୍ୟରୁ ଭାରତ ଅନ୍ୟତମ ଓ 5G ସେବା ପାଇଁ ମଧ୍ୟ ଏହି ଧାରା ଜାରି ରହିବ ବୋଲି ଆଶା କରାଯାଉଛି ।

ଏହା ବି ପଢ଼ନ୍ତୁ: Ghulam Nabi Azad Quits Congress​: ତାତି ଉଠିଲା କଂଗ୍ରେସ! ଗୁଲାମ ନବୀ ଆଜାଦଙ୍କ DNA ଓ ଚରିତ୍ର ଉପରେ ଉଠାଇଲା ପ୍ରଶ୍ନ